Premier League e futbollit në Angli është në raundin e 31-të. Mesditën e kësaj të shtune Brightoni mposhti 2-1 Liverpoolin në 'Amex Stadium'. Miqtë e Arne Slot kanë tre ndeshje radhazi që nuk fitojnë në kampionat (mes të cilave dy humbje), duke rrezikuar zonën që sezonin e ardhshëm të dërgon në Champions League.

Ndeshja nisi më mirë për Brighton që gjeti golin e epërsisë me Danny Welbeck pas 14 minutave lojë. Liverpooli u befasua dhe shtoi sulmet, teksa barazoi brenda pjesës së parë me Milos Kerkez pas një gabimi në prapavijën vendase.

Fraksioni i dytë i lojës solli një garë të fortë sportive, me duele fizike në fushë. Në minutën e 56-të sërish Danny Welbeck kaloi në epërsi Brightonin për golin që rezultoi i fitores dhe tri pikëve.

Pas këtij dueli Liverpooli e sheh veten në vendin e pestë, me 49 pikë, një më shumë se Chelsea ndjekës që ka një ndeshje për të luajtur. Nga ana tjetër Brighton me 43 pikë ngjitet në vendin e tetë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Prill, 10:55

    Armëpushim dyjavor, a besoni se SHBA-Iran do arrijnë edhe një marrëveshje afatgjatë?

Lajme të tjera