LONDËR, Angli - Nën reshjet e shiut që shoqëruan thuajse gjithë takimin në 'Emirates', Arsenali mposhti 3-0 Nottinghamin për sfidën hapëse në raundin e katërt të Premier League.

Skuadra e Mikel Artetës kishte gjithë kohës kontrollin e lojës, duke bërë që trajneri Ange Postecoglou të debutonte me humbje te miqtë. Ndeshja u zhbllokua pas 32 minutave lojë nga supergoli i Martin Zubimendit. Në zhvillimet e një këndoreje, sfera mbeti në hyrje të zonës dhe spanjolli nuk u mendua dy herë duke lëshuar një 'predhë' me të djathtën fluturimthi, për ta ndalur në rrjetë.

Nisja e fraksonit të dytë solli edhe golin e dytë për vendasit. Eze, në pozicion të rregullt edhe pas kontrollit me VAR, asistoi për Gyokeres që nuk gaboi me portën e boshatisur dhe 'arkivoi' tri pikët. Ndeshja 'do vulosej' 11 minuta para fundit, kur i sapofuturi në fushë, Trossard në prekjen e parë asistoi për Zubimendin dhe ky i fundit paçka se më shtatshkurtëri në fushë, shënoi me kokë golin e dytë personal në këtë duel.

Pas katër takimeve këtë fillim sezoni, Arsenal me tre fitore dhe një humbje ngjitet përkohësisht në krye të renditjes me nëntë pikë. Nottingham me katër pikë mbetet në pozitën e 11-të. Javën e ardhshme Arsenal pret Man. Cityn, ndërsa Nottingham luan në fushën e Burnleyt. 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera