POP 5

Lajmet më të lexuara të 5 minutave të fundit

Politikë

Presidenca e Trump, Donald Lu
nuk do largohet nga Shqipëria

Pak para marrjes së detyrës së presidentit, “New York Times” raportoi se Donald Trump kishte lëshuar një urdhër që u kërkonte ambasadorëve të emëruar politikisht të linin postet e tyre menjëherë pas ditës së inaugurimit të tij si president.
Pak para marrjes së detyrës së presidentit, “New York Times” raportoi se Donald Trump kishte lëshuar një urdhër që u kërkonte ambasadorëve të emëruar politikisht të linin postet e tyre menjëherë pas ditës së inaugurimit të tij si president.

Kaq u desh, që në Tiranë, mediat pranë PD-së dhe sidomos ato të financuara personalisht nga Shkëlzen Berisha, të shpërthenin në “festë”.

Me tituj të madh, ato lajmëronin largimin e Donald Lu nga Tirana.

Gjë që nuk kishte asnjë mundësi të ndodhte, pasi Donald Lu nuk është i emëruar politik, por një diplomat karriere.

Kjo gjë është konfirmuar edhe nga agjencia europeanwesternbalkans.com, e cila shkruan se asnjë ambasador amerikan në Ballkan, përfshi edhe Donald Lu, nuk do të largohet nga detyra para kohe.

Arsyeja është pikërisht fakti se ata janë diplomatë karriere.

Të gjithë ata janë konfirmuar nga Senati amerikan në fund të vitit 2014 dhe kanë marrë postet e tyre në fillim të vitit 2015.

Në raport me Ballkanin, politika amerikane duket se nuk do të ndryshojë, nisur edhe nga raporti i sekretarit amerikan të Mbrojtjes, James Matis, që konfirmoi se reduktimi i trupave amerikane në Kosovë mund të ndodhë vetëm nëse Forca e Sigurisë së Kosovës fiton të drejtën Kushtetuese për të mbrojtur integritetin territorial të vendit.

Ata që festonin për largimin e parakohshëm të Donald Lu, duket se kanë mbetur me “gisht në gojë”.

Siç mbetën edhe kur përhapën lajmin për largimin e paraardhësit të Lu, ambasadorit Arvizu, i cili, si për inat të tyre, qendroi edhe një vit më shumë se sa i takonte./lexo.al

Redaksia Online
l.q/Shqiptarja.com

/Shqiptarja.com
  • Sondazhi i ditës: 1 Shkurt, 08:43

    Si e vlerësoni gjendjen e sigurisë në vend?

Lajme të tjera



×

Lajmi i fundit

Çfarë shkakton një natë e keqe gjumi

Çfarë shkakton një natë e keqe gjumi

5 Shkurt, 08:55