POP 5

Lajmet më të lexuara të 5 minutave të fundit

Arkiva

Presidenti Bush ishte informuar në fund të mandatit mbi metodat e CIA-s

UASHINGTON, 9 dhjetor /ATSH-AFP/ – George W. Bush, në atë kohë president i SHBA-së, u informua në prill të 2006-s, ose në fund të katër viteve, se të burgosurit ishin torturuar në burgjet sekrete të CIA-s, tregohet në raportin e Senatit të publikuar dje. “Ish-presidenti amerikan republikan kishte shprehur sikletin e tij kur kishte parë […]
/ATSH-AFP/ - George W. Bush, në atë kohë president i SHBA-së, u informua në prill të 2006-s, ose në fund të katër viteve, se të burgosurit ishin torturuar në burgjet sekrete të CIA-s, tregohet në raportin e Senatit të publikuar dje.

"Ish-presidenti amerikan republikan kishte shprehur sikletin e tij kur kishte parë imazhin e një të burgosuri, të lidhur me zinxhirë në tavan, i ishte vënë një pelenë dhe detyrohej të bënte nevojat personale aty ku ishte", mund të lexohet në faqen 40 të këtij raporti të komisionit të senatorëve mbi inteligjencën.
Sipas këtij dokumenti, CIA njoftoi George W. Bush-in për herë të parë më 8 prill 2006 për përdorimin e teknikave të marrjes në pyetje radikale në "zonat e errëta", ku 119 të persona janë kapur dhe burgosur në vende të paidentifikuara.

Disa nga personat që pësuan këto teknika, si Abou Zoubeida apo Abd al Nachiri, u ishin nënshtruar që prej vitit 2002 dhe ishin gati të trensferoheshin në burgun e Guantanamos, ku ndodhen aktualisht, kur u informua presidenti Bush, sipas raportit, që bazohet në arkiva të CIA-s.
Në zyrën ovale, më 8 prill 2006, drejtori i CIA-s i asaj kohe, Porter Goss, i tregoji të shtata teknikat e torturave dhe i tregoji të paktën një foto të një të burgosuri për çdo teknikë. Presidenti Bush kishte "shprehur sikletin e tij", thekson raporti.

Me detaje shumë të sakta, raporti përshkruan se si të burgosurit liheshin për ditë të tëra në errësirë, të kthyer nga muri, të futur në ujë të ngrirë, të lënë pa gjum për një javë, të rrahur, të dhunuar psikologjikisht. Një nga të burgosurit ishte kërcënuar me trapan. Të paktën pesë prej tyre kanë pësur "rihidratim anal" të detyruar dhe ndonjëherë ushqimi jepej në të njëjtën mënyrë.

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku