Asnjë nënë, kurrë, për asnjë arsye, me ose pa arsim, përmënd, përdor dhe cënon fëmijët për shkak të ambicjeve politike që ka. Politika shqiptare ka parë shpesh raste, burrash kryesisht, që kur kanë probleme me korrupsionin, hetimin, opinionin dhe moralin në mënyrën më të neveritshme, fshihen mbrapa fëmijëve të tyre, sëmundjeve ose dhe thjesht ekzistencës së tyre. Të përmëdësh, ose të përdorësh fëmijët duke i bërë ata të cënueshëm në privatësinë e tyre është gjëja më e shëmtuar që arrin të bëjë kjo kastë e degraduar politike. Dhe gjithë kjo qasje nuk vërteton gjë tjetër vec rrënimin e saj total, deri në atë pikë sa i shpërfytyron dhe si qënie prindërore, duke shfrytëzuar ndjeshmërinë që të jep ajo përkatësi, të të qënit prind.
Bashkëshortja e Presidentit të Republikës, me një agresivitet dhe një ligjërim vulgar ju hakërrye një simotre të saj (simotër vetëm nga gjinia) duke shfrytëzuar pikërisht këtë grua të thjeshtë si tribunë për klithmat jo serioze dhe hakërryese të saj në një fjalim patetik që cdo shitëse tek gabi do ja kish zili.
Duke konfirmuar jo vetëm nivelin e saj intelektual, por sidomos duke konfirmuar një tragjikomedi të madhe, kjo kastë politike po ju përvetëson shqiptarve jo vetëm, pasuritë dhe jetët por edhe klithmën, kauzat dhe ligjërimin. Domethënë, këta janë njëkohësisht dhe shumë të varfër dhe shumë të pasur, dhe shtypës dhe te shtypur dhe për të bindyr dynjanë për “moralin” dhe koherencën e tyre, fusin në lojë dhe cënojnë dhe fëmijët e tyre, duke harruar që dy prej fëmijëve i ka madhorë, njërën të mitur, dhe sidomos njëra prej tre fëmijëve është Zonja e parë e Shqipërisë.
Por kjo kakofoni nuk mbaron këtu, ajo këtu vec konfirmon disa të vërteta ulëritëse për stadin ku ndodhet Shqipëria sot, media investigative, drejtësia, intelektualët dhe morali shoqëror.
U cudita kur dëgjova që sipas Freedom House Shqipëria ka zbritur me shtatë vende në indeksin botëror të lirisë së medias, po si ka mundësi vallë, dhe kush ? pikërisht kjo media që i tund erashkën haptaz rrogëpaguesve të vet, dhe kurrë, përsëris kurrë, kësaj kaste mafioze me koperturë politike mbi interesa ekonomike nuk i ka cjerrë maskën. Asnjëherë nuk kam dëgjuar një investigim të vërtetë nga këta gazetarë të persekutuar mbi jetët e politikanëve shqiptarë, të tyre dhe fëmijëve të tyre, gjobat, rrogat që kanë mledhur si taksë emërimesh, pasuritë që kanë, brënda dhe jashtë Shqipërisë, nga Italia, Franca, Anglia deri në Amerikën e largët, pasuritë që kanë nën emra vjehrrash, kunatash, ndërtuesish dhe anonimësh të robëruar.
Si grua, asnjëherë nuk parapëlqej të shkruaj ose të merrem me një grua tjetër, por kjo pjesa e fëmijëve vërtetë është shumë e ndjeshme për tu dëgjuar dhe për tu përdorur në këtë klimë kaq të tensionuar nga shushunjat e vlerave të shqiptarve, si majtas dhe djathtas.
Rreth viteve 2005-2008 kam qënë pjesë e LSI, si shumë shqiptarë që shpresuan se korrupsioni i Nanos dhe agresiviteti i Berishës duhet të ndëshkoheshin, kur u largova bashkëshortja e Presidentit të tanishëm dhe ish Kryetarit të LSI të atëhershëm, nuk ishte as anëtare e Kryesisë, ndërkohë mbas 11 vjetësh edhe pse ka anëtarë kryesie të atëhershëm ajo është bërë Kryetare e Partisë, natyrshëm më vjen një pyetje naïve, mos vallë ajo parti është pronë dhe biznes familjar ?!
Dhe pyetjen e dytë e kam për macen me merin Sasha, atë që kish banjon e 11’të si banjo personale, ajo ku ndodhet tani, në Lalëz, tek Kodra e Diellit të Tiranës apo në Kodrën e Diellit të Londërës, dhe cfarë mendon ajo për këtë situatë ?!
Komente
Lajme të tjera
-
Operacioni i SPAK/ Kokaina nga Amerika Latine në laboratorin e Fushë Krujës, shqiptarët ishin financuesit, të huajat kimistët! Njëri prej të arrestuarve i përfshirë në 2 vrasje në Durrës (FOTO)
16 Nëntor, 16:18 -
Kokaina nga Amerika Latine përpunohej në laborator në Fushë Krujë e çohej në BE! Baza edhe tek 'Kodra e Diellit 2'! SPAK: 10 të arrestuar mes tyre 3 të huaj! Në 48 ton lëkurë gjedhi fshihet droga e importuar (EMRAT)
16 Nëntor, 07:23 -
Buxheti/ Bardhi fyerje ndaj Begajt: Presidenti bën takime për përshesh me gjel, po e keqpërdorni si leckë! Gjeneral i kthyer në ushtar të Ramës, po kërkon buxhet për parukeri
13 Nëntor, 13:36 -
Data e zgjedhjeve të 2025/ Presidenti Begaj nis konsultimet: Shoqëria civile të angazhohet në vëzhgimin e zgjedhjeve
11 Nëntor, 14:28 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Banorët e pallatit denoncojnë Adriana Kalanë për ndërtim pa leje, nisin hetimet, IMT e gjobit dhe vendos prishjen e objektit shtesë
7 Gusht, 16:55 -
Veliaj jep lajmin e mirë: Dy shkolla, çerdhe dhe kopësht i ri në Lagjen 13! Kemi ndërtuar më shumë shkolla se sa gomat që digjen nga opozita
23 Qershor, 17:20 -
Një president nga opozita dhe dy Zonja të Para për Senegalin
4 Prill, 13:40 -
Tiranë, punëtori vdes në kantierin e ndërtimit te 'Kodra e Diellit', arrestohet administratori! 55-vjeçari ra nga lartësitë, ishte pa kokore
4 Prill, 08:54
-
Super pagat/ Deputetët deri në 5 milionë lekë (të vjetra) në muaj bashkë me përfitimet, tejkalojnë kryeministrin dhe Presidentin
30 Maj 2023, 17:13
-
Atentat te ‘Kodra e Diellit’ në Tiranë, vritet me breshëri plumbash 39 vjeçari nga Lezha! Gjendet një makinë e djegur në Qafë-Kashar, dyshohet e autorëve (VIDEO)
30 Tetor 2022, 23:18 -
Debate në Komisionin e Sigurisë, deputeti i PD-së braktis diskutimin për dekoratat! Lame: Mua më ka dekoruar Nishani, ta dija e kisha vënë në qafë sot
20 Shtator 2022, 13:07
Shume shkrim I drejte. Por vetem dicka,femijet po trainohen qe te behen si prinderit ose edhe "me te zote",prandaj mbase eshte parapergatitje nga prinderit kjo permendja si mburoje. Sa per macen,e shkreta ju qan hallin banoreve te Astiri,Bregu I Lumit apo kudo ku prishen ndertimet pa leje,se vete ishte me shume fat,I kishte pronaret "Kursimtare"te rrogave dhe "Investues" te zgjuar. PYETJE:Po doktoratura ne Kimi cfare duhej????Mos duhej ne Administrim biznes m e mire????
Përgjigju