Presidenti meksikan pret rezultate pozitive nga bisedimet e planifikuara në Uashington

Presidenti i Meksikës është shprehur se është i hapur ndaj negociatave me Shtetet e Bashkuara pasi Presidenti Trump e kërcënoi me vendosjen e tarifave për të gjitha produktet meksiane për të ndalur emigracionin ilegal.

Andres Manuel Lopez Obrador tha se pret rezultate pozitive nga bisedimet e planifikuara në Uashington dhe nuk kërkon luftë tregtare.

Ai deklaroi se mund të arrijë një zgjidhje pasi ka lëshuar plane për të ndalur rrjedhën e emigrantëve të paligjshëm.

 “Gjëja kryesore është të informojmë për atë që po bëjmë tashmë për çështjen e emigracionit dhe nëse është e nevojshme të përforcohen këto masa pa shkelur të drejtat e njeriut, ne mund të jemi të përgatitur për të arritur këtë marrëveshje”.

Kërcënimi që i bëri administrata e Trump-it ekonomisë së Meksikës është testi më i madh i politikës së jashtme të presidencës së Obradorit.

Eksportet meksikane në Shtetet e Bashkuara janë mjaft të rëndësishme për ekonominë e cila pati një tkurrje tremujorin e parë.

Kjo gjë ka shkaktuar dhunë ndërmjet bandave.

Bizneset në Meksikë i kërkuan presidentit të tyre të hakmerren duke vendosur tarifa për mallrat bujqësore të SHBA-së që mbështesin Partinë Republikane të Trump.

“Ne po bëjmë gjithçka që mundemi për të arritur një marrëveshje përmes dialogut. Ne nuk do të hyjmë në një luftë tregtare, një luftë tarifash dhe taksash”, u shpreh presidenti meksikan.

 

 

 

TAG:
• Meksike
• Andres Manuel Lopez Obrador