Presidenti i Republikës, Ilir Meta ka dekoruar me titullin “Naim Frashëri” dy personalitete të shquara kineze, dy albanologë Profesorin Zheng Enbo dhe gazetarin Wang Hongqi, gjatë një ceremonie të zhvilluar në Institucionin e Kreut të Shtetit.
Presidenti Meta vlerësoi me titullin “Naim Frashëri”, zotit Wang Hongqi me motivacionin: “Në shenjë vlerësimi për veprimtarinë e shumanshme në fushën e marrëdhënieve Shqipëri-Kinë; njohës i shquar i çështjes shqiptare përgjatë zhvillimit të saj, duke shërbyer si urë për komunikimin e vlerave të dy popujve tek njëri-tjetri. Publicist, përkthyes, autor librash me karakter shqyrtimi për ngjarje e personalitete të botës shqiptare”.
Gjithashtu ai vlerësoi me titullin “Naim Frashëri”, zotin Zheng Enbo me motivacionin: “Në vlerësim për veprimtarinë si albanolog kinez për më shumë se gjysmë shekulli, me përkushtim të përhershëm ndaj trashëgimisë shpirtërore të popullit shqiptar; promovues i letërsisë, gjuhës dhe kulturës shqiptare; profesor, studiues, publicist në dobi të pasqyrimit të Shqipërisë në Kinë e në botë”.
“Është kënaqësinë e veçantë të nderoj sot me titullin ‘Naim Frashëri’ dy personalitete të shquara kineze, dy albanologë, Profesorin Zheng Enbo dhe gazetarin Wang Hongqi", është shprehur Meta.
Këto dekorime marrin një vlerë më të madhe, sepse bëhen në kuadër të 70-vjetorit të vendosjes së marrëdhënieve diplomatike midis Republikës së Shqipërisë dhe Republikës Popullore të Kinës, marrëdhënie që kanë qenë tradicionalisht të forta.
"Kontributi i dy personaliteteve të shquara kineze që nderojmë sot, në forcimin e marrëdhënieve miqësore midis dy vendeve dhe dy popujve tanë është shumë i madh", ka thënë presidenti Meta.
Profesor Zheng Enbo është një albanolog, përkthyes dhe studiues i letërsisë shqipe. Gjatë karrierës së tij të gjatë ai ka botuar qindra reportazhe letrare dhe artikuj mbi Shqipërinë dhe më tej është marrë me studimin e letërsisë shqiptare pranë Akademisë së Shkencave Shoqërore të Kinës.
Botimet e tij janë “Historia e letërsisë shqiptare”, “Ndjenjat e mia për Shqipërinë”, “Antologjia e poezisë klasike shqipe” etj.
Sipas Metës, përkthimet e profesorit përfshijnë vepra të korifejve të letërsisë shqipe Dritëro Agolli e Ismail Kadare si “Nënë Shqipëri”, “Shkëlqimi dhe rënia e shokut Zylo”, “Njeriu me top”, “Gjenerali i ushtrisë së vdekur”, “Prilli i thyer”, etj.
Njëkohësisht, edhe z. Hongqi ka dhënë një kontribut të veçantë si gazetar, si albanolog dhe studiues i lartë i çështjeve shqiptare, me një karrierë të gjatë rreth 22-vjeçare si gazetar i agjencisë ‘Xinhua’ në Tiranë.
"Veprat e tij 'Jeta ime në vendin e Shqiponjës' apo 'Rruga e rilindjes së Shqipërisë' përshkruajnë historinë dhe gjendjen shoqërore prej gati gjysmë shekulli të Shqipërisë duke zbuluar të vërteta të panjohura në marrëdhëniet kino-shqiptare të asaj periudhe. Z. Honqi është një nga kontribuesit e rëndësishëm të ruajtjes së urave të miqësisë midis Shqipërisë dhe Kinës", është shprehur presidenti i vendit.
Ai dëshiron ta falënderojë z. Hongqi për një vepër shumë të rëndësishme që do të dalë së shpejti “Biografia për dhjetë shqiptarë të shquar” ku ka përfshirë personalitete të kombit tonë nga Skënderbeu tek Nënë Tereza dhe shpreson që të dy studiuesit të vazhdojnë edhe për shumë vite të tjera të japin kontributin e tyre të shquar në njohjen e popullit shqiptar dhe historisë së tij në Kinë për forcimin e mëtejshëm të marrëdhënieve mes dy vendeve.
Komente
Lajme të tjera
-
Bien aplikacionet e ‘Meta’, probleme në përdorimin e Facebook, Instagram dhe WhatsApp
11 Dhjetor, 19:35 -
Korporata ‘Meta’ do ndërtojë linjën kabllore nënujore 40 mijë km të gjatë: Interneti do të jetë më i shpejtë
3 Dhjetor, 13:16
-
BE-ja gjobit kompaninë Meta me gati 800 milionë euro për praktika 'abuzive'
14 Nëntor, 16:12 -
'Mediat sociale dëmtojnë seriozisht shëndetin tuaj' 42 shtete amerikane kërkojnë të vendoset etiketë! Njësoj si për cigaret dhe alkoolin
13 Shtator, 15:51 -
Kompania Meta bllokon në WhatsApp hakerët e lidhur me Iranin
24 Gusht, 13:51 -
Meta sjell Llama 3: Çfarë ofron modeli më i ri i inteligjencës artificiale?
19 Prill, 18:16 -
Fundi i rrjetit social
10 Mars, 08:56 -
Dhoma e Përfaqësuesve në Florida miraton projektligjin që ndalon mediat sociale për personat nën 16 vjeç
26 Janar, 09:02 -
Kontributi i albanologëve gjermanë për gjuhësinë shqiptare
19 Nëntor 2022, 14:38 -
WhatsApp sjell ndryshime, nga sot do të mund të reagoni me emoji në çdo mesazh
5 Maj 2022, 16:53 -
Nga Facebook në Meta, plas ironia me ndryshimin e emrit të rrjetit social
30 Tetor 2021, 10:43 -
7 udhëtimet e Edit Durhamit në vendet e Ballkanit, studiuesit: Shqiptarët janë në ‘borxh’ me albanologen!
9 Prill 2021, 16:01
Kjo besoj do te jape rrugedalje per tu strehuar ne Kine per pislleqet qe ke bere ne Truallin Shqipetar dhe Shqipetareve ne Vecanti.Pra mos kerko Qiqra ne Hell nga Komisioni i Venecias ,se nuk te vrau por me ne fund te dha njecikez drite ,por gjithsesi Dobic mer ate fallxhoren ,dhe ato Bola femijsh dhe shko e rri dhe vizito Murin Kinez . Mos e kruje ketu me ato qe ke bere se do te percellosh vehten ,Po ndrikulla e Dibres ku do te shkoje ,pa again e saje qe eshte bere si breshke e thare
Përgjigju