Ndërsa është konsultuar fillimisht me konstitucionalisët e më pas ka marrë mbështetjen e partive politike për procedurën që do të ndjekë, kreut të shtetit i duhet të vendosë për çeljen e shortit brenda 5 ditëve, por një proces ky që duhet vënë në lëvizje nga ligji për kriteret e kandidatëve, i cili nuk ka kaluar në kuvend.
Konstitucionalistët të cilët ishin edhe në konsultimet me Presidentin parashtrojnë dy opsione në këtë rast për kreun e shtetit.
Të kontaktuar nga Report Tv ata thonë se së pari Presidenti, mund të veproje nisur nga fakti qe interpretohet, sipas nenit 4 të Kushtetutës i cili parashikon që dispozitat Kushtetuese, zbatohen drejtpërsëdrejti, përveç rasteve kur Kushtetuta parashikon ndryshe.
Këtë argument konstitucionalistët e bazojnë edhe në vendime të caktuara të gjykatës Kushtetuese, rast konkret në vitin 2005, përmes të cilave është nënvizuar parimi i epërsisë së Kushtetutës dhe mënyrën e zbatimit të saj që mund edhe të mos gjejë zbatim drejtpërsëdrejti.
Në këto kushte ushtrimi i kompetencës së Presidentit do të jetë në vakum për arsye se me ligj mund të shtohen kritere të posacme.
Së dyti konstitucionalistët mendojnë se Presidenti mund të mos e ushtrojë kompetencën e tij kushtetuese të parashikuar nga baza ligjore, dhe te presë daljen dhe miratimin e ligjit te posacëm rregullues për kriteret specifike të anëtarëve të KED-se.
Për shpjegimin e këtij opsioni konstituciopnlaistët sërish i referohen një vendimi të gjykatës kushtetuese, të shkurtit të vitit 2013 ku thuhet se norma kushtetuese ja rezervon vetëm ligjit, rregullimin e një marrëdhënie konkrete.
Përsa i përket rastit të rezervës ligjore, cështja konkrete mund te rregullohet edhe nga aktet nenligjore në këto kushte konstitucionalistët mendojnë se sipas Kushtetutës, cdo dispozite e saj qëndron në një lidhje të caktuar me dispozitat e tjera, qe do te thote se parashikimi Kushtetues nuk mund te nxirret jashte kontekstit te saj dhe te intepretohet me vete.
Sipas ekspertëve të drejtësisë meqenëse parlamenti i ka rezervuar vetem ligjit rregullimin e plote dhe shterues te kritereve qe duhet te plotesojne kandidatët pjesemarres ne short për formimin e KED, mospërcaktimi I të cilave, bën që të mos realizohet përzgjedhja perfundimtare.
Por konstitucionalistët mendojnë se edhe në këtë raste kur Presidenti nuk ushtron veprimin dhe kompetencen kushtetuese , nuk ben ndonje shkelje te dispozitave te Kushtetutes.
Sipas ndryshimeve kushtetuese pas 5 ditesh nga hyrja ne fuqi e ndryshimeve nese presidenti nuk vepron bie e drejta e tij per te ushtruar veprimin kushtetues dhe kjo e drejte I kalon Kryetar të kuvendit.
d.b/shqiptarja.com