Presidenti turk Erdogan sulmon komunitetin LGBTI, arrestohen mbi 150 studentë

Presidenti turk Erdogan sulmon komunitetin LGBTI, arrestohen mbi 150 studentë

Recep Tayyip Erdogan

TURQI- Presidenti i Turqisë Recep Tayyip Erdogan ka sulmuar lëvizjen LGBTI të vendit gjatë një vale protestash studentore.

Presidenti vlerësoi krahun e të rinjve të partisë së tij, për bartjen e historisë së lavdishme të këtij kombi dhe jo të rinjtë e komunitetit LGBTI-së.

Ditën e shtunë gjatë një proteste të zhvilluar nga komuniteti LGBTI, u arrestuan 4 persona, ndërkohë gjatë ditës së djeshme janë arrestuat 159 studentë të universitetit Bogazici, 100 prej të cilëve u lanë të lirë një ditë më vonë.

Erdogan në një video të transmetuar për anëtarët e partisë së tij konservatore ditën e djeshme tha se “ Ne do t’i orientojmë të rinjtë e kombin tonë drejt së ardhmes, jo si rinia e LGBTI-së por si rinia që ekzistonte në të kaluarën e lavdishme të kombit tonë”.

Kjo nuk është hera e parë që presidenti turk “sulmon” komunitetin, pasi në korrik të vitit të kaluar ai ka akuzuar LGBTI-në për minimizimin e vlerave kombëtare dhe shpirtërore.

Homoseksualiteti në Turqi është i ligjshëm por kundërshtimi zyrtar ndaj komunitetit LGBTI është rritur vitet e fundit. Opinioni publik është përgjithësisht konservator dhe komuniteti ka raportuar diskriminim dhe ngacmim.

Protestat nga LGBTI kanë vazhduar për 3 muaj por asnjëherë nuk ka pasur kaq shumë tension gjatë tyre.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet