POP 5

Lajmet më të lexuara të 5 minutave të fundit

Kosova & Rajoni

Presidentja pret Kushtetuesen
për Ligjin e amnistisë

Presidentja Atifete Jahjaga do të ndjekë procedurën e zakonshme përsa i takon procesit të shpalljes së Ligjit për Amnisti, kushtetutshmëria e të cilit është kontestuar një ditë më parë nga një grup deputetësh.
Presidentja Atifete Jahjaga do të ndjekë procedurën e zakonshme përsa i takon procesit të shpalljes së Ligjit për Amnisti, kushtetutshmëria e të cilit është kontestuar një ditë më parë nga një grup deputetësh. Do ta pezulloj procedurën vetëm nëse Gjykata Kushtetuese ia kërkon në mënyrë të shkruar, shkruan gazeta Koha Ditore.

Ramush Tahiri, këshilltar i presidentes Atifete Jahjaga, i ka thënë gazetës të shtunën se ligji do të vazhdojë procedimin, pavarësisht se deputetët e kanë bërë lëndë në Kushtetuese.

“Në momentin që ligji vjen te ne, ne i kemi tetë ditë për të vendosur në ndonjërën nga tri këto mënyra: për ta nënshkruar, për t’ia kthyer Kuvendit ose për të mos e nënshkruar. Nëse presidentja nuk e nënshkruan brenda tetë ditësh, prapë ai hyn në fuqi kur të publikohet në Gazetën Zyrtare”, ka thënë Tahiri. “Në momentin kur të vijë tek ne, nuk është relevante se a ka shkuar në Kushtetuese apo jo, përveç nëse ne marrim një letër prej Gjykatës Kushtetuese, që thotë se duhet të ndërpriten procedurat derisa gjykata të marrë vendimin”.

Ligji për amnisti ka kaluar të premten në tryezën e presidentes Atifete Jahjaga. Mënyra se si është proceduar ka lënë dilemën nëse kreu i shtetit brenda tetë ditësh do të mund ta shpallë ose jo këtë ligj që ka derivuar nga marrëveshja e 19 prillit Kosovë-Serbi, shkaku që të njëjtën ditë është kontestuar kushtetutshmëria e përmbajtjes së tij nga deputetë të lëvizjes “Vetëvendosje” dhe nga ata të Lëvizjes për Bashkim dhe nga deputeti i pavarur Emin Gërbeshi.

Marrë nga Koha Ditore
Redaksia online
(ar.sh/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëveshja Hamas-Izrael, ekip i përbashkët Katar-Egjipt-SHBA për monitorimin e armëpushimit

Marrëveshja Hamas-Izrael, ekip i përbashkët Katar-Egjipt-SHBA për monitorimin e armëpushimit

15 Janar, 20:46