POP 5

Lajmet më të lexuara të 5 minutave të fundit

Sport

Presion te Besiktas, Santos i ndryshon pozicionin Ernest Muçit! Sulm shqiptar në Stamboll

Besiktasi do përballet me Konyasporin të hënën në orën 18:00 për kampionatin turk të futbollit.

Presion te Besiktas, Santos i ndryshon pozicionin Ernest Muçit! Sulm shqiptar në Stamboll

Ernest Muçi

Besiktasi do përballet me Konyasporin të hënën në orën 18:00 për kampionatin turk të futbollit. Në fushë pritet të jenë nga minuta e parë të paktën tre shqiptarë.

Ernest Muçi dhe Milot Rashica do jenë në sulmin e skuadrës nga Stambolli, teksa miqtë do kenë Sokol Cikalleshin. Konyaspor po lufton për mbijetesën dhe golat e Cikalleshit janë të mirëpritur.

Nga ana tjetër, Ernest Muçi debutoi me Besiktas dhe tregoi cilësi që u 'përqafuan' nga tifozët. Ultrasit u dashuruan direkt me djaloshin 22-vjeçar, aqsa kanë 'detyruar' trajnerin Fernando Santos që të rishohë pozicionin e Muçit.

Në ndeshjen debutuese Muçi luajti si një "10-ç", duke mos qenë i mësuar me këtë rol dhe mos pasur shumë mundësi lëvizje në fushë. Tanimë ai do jetë në krahun e majtë të sulmit dhe nga e djathta do ketë Rashicën.

Duket se forma e mirë e Muçit ka bërë që portugezi Santos të kërkojë më shumë nga djaloshi shqiptar. Kujtojmë se në limitet e merkatos, Besiktas pagoi 8 milionë euro dhe 2 mln bonuse për Legian e Varshavës, për të bërë të vetin Muçin.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

Dronët tokësorë, mjetet e reja të luftës në Ukrainë

Dronët tokësorë, mjetet e reja të luftës në Ukrainë

28 Prill, 19:59