Prezantohet drejtuesi politik i PD-së në Shkodër, Helidon Bushati: Synojmë 7 deputetë në këtë qark! Ftojmë të gjithë të votojnë për ndryshimin (VIDEO)

Pasditen e sotme, Partia Demokratike dega Shkodër prezantoi drejtuesin politik të këtij qarku, Helidon Bushatin. Në fjalën e tij ai shprehu qartë objektivat e demokratëve për të fituar 7 deputetë në qarkun e Shkodrës në zgjedhjet e 25 prillit.

Ai i bën thirrje qytetarëve që në zgjedhjet e 25 prillit të votojnë alternativën e ndryshimit për ata që janë të lodhur nga qeverisja e Edi Ramës.

"Është një rikthim nga ana formale. Unë kam qenë vazhdimisht prezent në Shkodër. Objektivat tona janë të arritshme. Mendojmë që ato të jenë minimalja, 7 deputetë në Shkodër është minimalja që kërkon PD. Unë do të doja edhe me strukturat drejtuese të PD-së Shkodër që fushata të jetë gjithë përfshirja e forcave progresiste që nuk e shohin Edi Ramën si një person të denjë për të qeverisur. Unë i bëj ftesë do personi që e shohin si të keqen më të madhe të këtij vendi, të japin votën për PD në fitoren historike" - tha Bushati.

Gjatë prezantimit të tij nga kryesia e PD-së në Shkodër ishte dhe sekretari i përgjithshëm i PD-së, Gazmend Bardhi. Ai u shpreh se PD ofron modelin e qytetarisë dhe integritetit me anë të Helidon Bushatit përballë drejtuesit të PS-së Ilir Beqja. Sipas Bardhit, nëse drejtësia do të funksiononte, Beqja do të ishte në burg.

"Një nga administratorët më të mirë që PD ka pasur. Është një njeri me integritet të lartë moral. Me gjithë ekipin që do ta paraqitet PD në zgjedhjet e ardhshme, jo vetëm do fitojmë por do të marrim rezultatin më të mirë në gjithë histori. Kemi objektivat tona. Objektivi është tërësisht i realizueshëm. Ne ofrojmë modelin e qytetarisë dhe integritetit ndërsa pala tjetër garon me një person (Ilir Beqja) që nëse do funksiononte drejtësia ai do të ishte në burg. Ne kemi vetëm një objektiv, largimi i të keqes dhe ndryshimi për qytetarët e Shkodrës dhe gjithë Shqipërisë. Kam parasysh fitoren e PD ndaj atij që ka varfëruar të gjithë Shqipërinë. E rëndësishme është që të jemi të fokusuar dhe të ofrojmë një model të ri për Shkodrën. Për 8 vite, Rama nuk ka sjellë asnjë investim në qytetin e Shkodrës. PD do të sjellë mirëqënie për qytetarët e Shkodrës. Në PD nuk ka të përjashtuar por njerëz që i bashkohen përditë. Unë kam respekt për kolegun Romeo Gurakuqi" - tha Bardhi.

Së fundmi, Bardhi deklaroi se PD do të prezantojë çdo ditë drejtuesit politikë në qarqe të ndryshme të vendit.

"Do të njihemi do ditë me prezantimin e drejtuesve të rinj në çdo qark të vendit. Jo vetëm mirëpresim do individ, por të jeni të sigurt që më 25 prill do të kemi qytetar që kanë votuar për 30 vite PS, ta hedhin votën për demokratët. Në emër të PD-së dhe koalicionit opozitar, më 25 prill qytetarët do votojnë ndryshimin" - tha Bardhi.

Burime për Report Tv kanë konfirmuar se drejtues politik në qarkun e Fierit është ish-deputeti Enkelejd Alibeaj i cili pritet që të prezantohet ditën e nesërme. Më herët PD ka caktuar në Vlorë, Bujar Leskaj, ndërsa pritet dhe caktimi i drejtuesve në 9 qarqet e tjerë.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kacidhe: 22/12/2020 19:35

    Me Gaz marmiden PD ka per te fituar ate ...te Noc Rrokun

    Përgjigju
  • Gjovalini: 22/12/2020 19:28

    Helidon, pune te medha te presin. Sfiden me te madhe e ke me PD dhe jo me PS. Duhet nje hapje e PD, se nuk vazhdohet me me te njejtat fytyra tash 30 vjet. Ato duhet ti mbash aq afer qe ti kontrollosh dhe aq larg sa te mos prishin pune. Jane si tea dhe te afte vetem per prapaskena. Jane te vegjel dhe te paaft. Afro te rinj dhe te shkolluar jashte. Krijoju hapesira angazhimi neper forume dhe platforma te ndryshme. Gjalleroje FRD ne qytet,se eshte i mpire. Duhen vendosur ne funksion strukturat e PD, sipas fushave qe mbulojne. Kujdes ndaj disa ndjeshmerive ne qytet, duhen ruajtur disa ekuilibra.

    Përgjigju
  • Toni: 22/12/2020 19:15

    Djal profesionist dhe qytetar model, kishte nevoje Shkodra per nje djal si Helidon Bushati. Respekte

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet