Prishtinë, 182 fëmijë të abuzuar
seksualisht gjatë 2008-2011

PRISHTINE - Abuzimi seksual i fëmijëve vazhdon të jetë një problem në Kosovë. Raporti i fundit i Avokatit të Popullit thotë se situata sa vjen e përkeqësohet. Është për të ardhur keq trajtimi mjekësor e gjyqësor i rasteve të pedofilisë.

Raporti vë në pah se mekanizmi i monitorimit të abuzuesve seksualë nuk funksionon, ndonëse ligji parasheh masa të ashpra më tepër se në shumë vende të tjera. Në të thuhet se nga viti 2008 deri në 2011-ën, 182 fëmijë kanë qenë viktima të shrytëzimit seksual.

Avokati i Popullit, Sami Kurteshi thotë se organet e rendit kanë bërë pak për përmirësimin e situatës. “Problemi është se në shoqërinë tonë kjo është ende një temë tabu. Shpesh nuk raportohet për shkak të paragjykimeve”,-thotë ai.

Rreth 67% të rasteve të raportuara janë femra e 33 % meshkuj. Në të shumtën e rasteve, abuzimet vijnë nga personat e rritur dhe jashtë lidhjeve familjare. Në 3 për qind të tyre, bëhet fjalë për inçeste.

Redaksia Online
(b.y/shqiptarja.com)