POP 5

Lajmet më të lexuara të 5 minutave të fundit

Kosova & Rajoni

Prishtinë, i dërguari special i
Gjermanisë: Thellim bashkëpunimi

I dërguari special i Gjermanisë për Evropën Juglindore, Turqinë dhe shtetet e EFTA-s, ambasadori Ernst Reichel viziton Prishtinën. Ai shprehu edhe përkrahjen e mëtejshme të Gjermanisë për Kosovën, me theks të veçantë në proceset integruese. (Në foto: Nga takimi Reichel-Hoxhaj).
PRISHTINË - I dërguari special i Gjermanisë për Evropën Juglindore, Turqinë dhe shtetet e EFTA-s, ambasadori Ernst Reichel viziton Prishtinën.

Siç bën të ditur DW, i dërguari special i Gjermanisë për Evropën Juglindore, Turqinë dhe shtetet e EFTA-s, ambasadori Ernst Reichel, deklaroi në Prishtinë se qeveria gjermane vlerëson progresin që është arritur në Kosovë, duke shprehur përkrahjen e mëtejshme të Gjermanisë për Kosovën, me theks të veçantë në proceset integruese.

Ish-ambasadori gjerman në Kosovë, po ashtu shprehu vullnetin e qeverisë gjermane për thellimin e bashkëpunimit bilateral me Kosovën në shumë fusha. Siç njofton Ministria e Jashtme e Kosovës, këto komente zoti Reichel i bëri gjatë një takimi që zhvilloi me ministrin e Jashtëm të Kosovës, Enver Hoxhaj.

“Ambasadori Reichel ka vlerësuar arritjet në dialogun ndërmjet Kosovës e Serbisë dhe ka shprehur angazhimin e Gjermanisë për të ndihmuar në zbatimin e marrëveshjes për normalizim në tërësi”, thuhet në njoftimin e Ministrisë së Jashtme të Kosovës.

Nga ana e tij, shefi i diplomacisë kosovare, Enver Hoxhaj, e vlerësoi si shumë të rëndësishme përkrahjen e Gjermanisë për nënshkrimin e Marrëveshjes së Stabilizim-Asocimit ndërmjet Kosovës dhe BE-së, si dhe në procesin e liberalizimit të vizave për kosovarët.

Hoxhaj shprehu mirënjohjen e popullit dhe qeverisë së Kosovës për kontributin dhe mbështetjen e madhe, që po jep Gjermania në të gjitha aspektet, duke shprehur përkushtimin e qeverisë së Kosovës edhe për fuqizimin e mëtejshëm të marrëdhënieve bilaterale me Gjermaninë, si një ndër partnerët kryesorë strategjikë të Republikës së Kosovës.

ernst reichel
(Në foto: Nga takimi Reichel-Hoxhaj).

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55