/ATSH/.-Lidhja Demokratike e Kosovës deklaroi se, sot kësaj partie "iu bashkangjitën një numër i konsiderueshëm të anëtarëve të Alenacës për Ardhmërinë e Kosovës të nëndegëve të Prishtinës".
Sipas 20 emrave të publikuar, kryetarët e nëndegëve të AAK-së që kalojnë në LDK janë 9, ndërsa koodinatorët e të rinjve 11.
Ndërsa, Alenaca për Ardhmërinë e Kosovës dekalaroi se, "për sqarim të opinionit publik, Aleanca në Prishtinë e ka një degë të vetme dhe 43 nëndegë, të cilat funksionojnë. Është i pasaktë dhe tendencioz lajmi se degë të Aleancës po largohen. 4 persona të caktuar, që kanë qenë të angazhuar nëpër disa nëndegë, janë larguar për interesa të tyre private".
"Aleanca është në proces zgjedhor dhe secilit do t'i konfirmohet fuqia e vet politike dhe pozita në Aleancë. Ne e kemi të qartë se LDK ka problem me imazhin dhe me frymën e humbur pas krijimit të koalicionit me PDK-në dhe po i përdor metodat e njëjta sikur partneri i vet i koalicionit duke krijuar sistem klientelist.Të gjithë ish kolegëve, që për arsye krejt private ndërrojnë parti, iu urojmë suskses", thotë komunikata.