TIRANË- Teksa Ministria e Financës po përgatit ndarjen e parave publike për 2024 dhe paketën e re fiskale, PD i kërkon të zbatojë rekomandimet e Bankës Botërore për mbrojtjen e familjeve në nevojë nga rritja e çmimeve, mbështetjen e shtresës së mesme nga taksat dhe uljen e barrës fiskale për bizneset e vogla dhe të mesme.
Në një dalje për mediat, sekretari i Partisë demokratike, Arbi Agalliu tha se ekonomia po përballet në mënyrë të vazhdueshme me sfida dhe problematika të mëdha, ndërsa theksoi se duhet një strategji kombëtare për 50 vitet e ardhshme. Deputeti demokrat thotë se rritja e çmime vazhdon, ndërsa qeveria s’ka bërë asgjë për t’i frenuar. AI u shpreh se shqetësim mbetet largimi i shtresës së mesme dhe profesionistëve
Deklarata e plotë e Arbi Agalliut
Përtej gjithë propagandës apo gjysma të vërtetave mbi ecurinë ekonomike të Shqipërisë ku në thelb qeveria vijon të evidentojë turizmin si suksesin e saj por harron sakrificën e qindra e qindra bizneseve në këtë sektor, duhet të theksojmë se ekonomia shqiptare përballet në mënyrë të vazhdueshme me sfida dhe problematika të mëdha. Këto sfida dhe problematika nuk mund të zgjidhen me propagandë, klipe e vidoklipe por me reforma të thella strukturore të ekonomisë shqiptare.
Ne ende nuk kemi evidentuar dhe ndërtuar një strategji kombëtarë për zhvillimin ekonomike për 50 vitet e ardhshme. Cilat do jenë avantazhet konkurruese të Shqipërisë në vijim? Do të jetë turizmi? Do të jetë bujqësia? Do të jetë industria apo çfarë? Zhvillimi i vendit nuk mund të lihet në dorë të oligarkisë ekonomike vendase apo të huaj, të cilët e shikojnë Shqipërinë si një tortë ku e ndajnë sipas oreksit. Qeveria shqiptare duhet të ketë planë të qartë zhvillimor dhe një strategji kombëtare zhvillimi e ndërtuar me të gjithë aktorët dhe faktorët, grupet e interesit si dhe ekspertët më të mirë, larg politikës së ditës.
Sipas Bankës Botërore, raport i para disa ditëve, thuhet se Shqipëria ka rritje por pa mirëqenie. E përkthyer më thjesht, do të thotë që paraja është e fokusuar në disa duar dhe mirëqënia e shqiptarëve është larg asaj që duhet të jetë, aq më tepër nëse e krahasojmë me vendet e Bashkimit Europian, ku aspirojmë të bëhemi pjesë.
Banka Botërore vë në dukje se, investimet në kapitalin njerëzor dhe në produktivitetin e bizneseve janë dy rrugët për të përshpejtuar mirëqenien e shqiptarëve por ajo që fatkeqësisht ndodh është largimi masiv i shqiptarëve. Sot shqetësim është largimi i shtresës së mesme dhe profesionistëve si mjek e infermierë, mësues e pedagog, inxhinierë e arkitekt. Nga ana tjetër vijon rritja e çmimeve, ku çmimet e shportës janë në nivele alarmante për të ardhurat që shqiptarët kanë.
Sipas INSTAT për 34 artikuj të shportës së konsumit të mallrave ushqimore tregojnë se rritja më e madhe e çmimeve vitin e fundit ka ndodhur për produkte bazë si qep, patate, djathë, domate dhe gjalpin nga 24-55%. Që nga prilli i vitit 2022 çmimet e ushqimeve nisën rritjen dyshifrore me rreth 15 %. INSTAT raporton se në periudhën janar-gusht 2023 çmimet e ushqimeve në vendin tonë u rriten me 11 %.
Pavarësisht kësaj, qeveria nuk ka marrë asnjë masë domethënëse, asnjë ulje të barrës fiskale, asnjë ulje të TVSH për produktet e shportës, asnjë takim me grosistët apo importuesit kryesor për të ulur çmimet e produkteve bazë, sikurse beri Itali e cila uli me 10% çmimet e produkteve kryesore (një akt kombëtar solidariteti). Qeveria ende nuk po përcakton minimumin jetik duke lënë në dorë të fatit qindra familje ne nevojë.
Ndaj, në këto kushte, Partia Demokratike kërkon nga qeveria së pari pranimin e situatës kritike në ekonomi si dhe zbatimin e rekomandimeve të Bankës Botërore apo FMN! Kërkon mbështetje për familjet në nevojë, mbrojtjen e bizneseve, uljen e barrës fiskale sidomos për bizneset e vogla dhe të mesme, mbështetje për shtresën e mesme dhe jo rritje te tatim taksave për profesionet e lira. Qarkullimi i kapitalit në ekonomi është jetik dhe kjo duhet nxitur por fatkeqësisht kjo qeveri vijon të mbetet klienteliste dhe e korruptuar.
Lajme të tjera
-
Zgjedhjet e vitit 2025/ Presidenti Bajram Begaj pret nesër në konsultime për datën PD dhe PS, e mbyll me Celibashin
24 Nëntor, 19:53 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55
