POP 5

Lajmet më të lexuara të 5 minutave të fundit

Kultura

Pr/ligji për Akademinë e Shkencave, Beqir Meta: Fuga t'i përfshijë në statut sugjerimet

Një nga anëtarët e grupit të punës pranë ministrisë, akademiku Beqir Meta në një intervistë për Report Tv shprehet se sugjerimet e tij për reformën në ASH, Fuga mund t’i pasqyrojë në statutin për Akademinë e Shkencave.

Është prezantuar projektligji “Për akademinë e Shkencave të republikës së Shqipërisë” i përgatitur nga grupi i punës pranë Ministrisë së Arsimit që synon reformimin e këtij institucioni. Zë kundër i këtij drafti ishte akademiku Artan Fuga, i cili e konsideron këtë projektligj një model të dështuar. Një nga anëtarët e grupit të punës pranë ministrisë, akademiku Beqir Meta në një intervistë për Report Tv shprehet se sugjerimet e tij, Fuga mund t’i pasqyrojë në statutin për Akademinë e Shkencave, që është edhe më i rëndësishëm se projektligji për këtë institucion. 

“Nuk mund të thuhet që s’ka qenë transparente. Nëse mund të bëhet, mund të bëhet edhe diçka më tepër, ndoshta. Por mendimet e prof.Fugës, ne i kemi pasur të qarta. Unë i kam lexuar dhe i kam mbajtur në evidencë. Profesor Fuga është anëtar i komisionit që do merret me reformën e Akademisë, duhet patjetër që gjithë këto gjëra që janë arritur të materializohen më tej në statut dhe të ecim përpara”. 

Beqir Meta, anëtar i grupit të punës pranë Ministrisë së Arsimit për reformimin e Akademisë së Shkencave

Akademiku Meta shprehet se Ministria e Arsimit nuk ka ndërhyrë në punën e tyre dhe se zgjedhja e tyre për të bërë pjesë të përgatitjes së draftit akademike për reformimin e këtij institucioni, ka qenë e zgjuar. 

“Ministria e Arsimit nuk ka paraqitur ndonjë opsion apo ndonjë ide të saj lidhur me organizimin e Akademisë apo me funksionimin e ligjit, por ka krijuar këtë grup. Mendoj që ka qenë mençuria e saj dhe serioziteti që ka krijuar një grup me akademikë dhe ka pritur një produkt nga ky grup, pa pasur ndonjë ndërhyrje mesa di unë”. 

Beqir Meta 

 

Meta u shpreh se projektligji do të sjellë efekt shumë pozitiv, pasi për të janë konsultuar edhe me ekspertët e Akademisë Gjermane dhe Amerikane. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

2 Maj, 23:00