POP 5

Lajmet më të lexuara të 5 minutave të fundit

Sociale

​​​​​​​Prodhohet vaji i ri i ullirit në Lezhë, çmimi 600 lekë/litër! Fermerët: Prodhimi i mbarë, por s’kemi punëtorë për vjelje

Ne Troshan të Lezhës është shtuar prodhimi i ullinjve, por fermerët ankohen se nuk ka punëtorë për t'i vjelë. Vaji po shihet me 600 lek për litër, i njëjti çmim me vitin e kaluar

Teksa në pjesën më të madhe të vendit ullinjtë kanë patur prodhim të pakët, diçka e tillë nuk ka ndodhur në Lezhë.

Tashmë është sezoni i vjeljes në fshatin Troshan, një ndër zonat e njohura për kultivimin e ullirit. Prodhimi është i bollshëm këtë vit, por problem për fermerët mbetet mungesa e punëtoreve për vjeljen e tyre, pasi të rinjtë kanë emigruar.

‘Po unë i kam ndejt gati me spërkatje dhe me ujitje. Jam i kënaqur me prodhimin, por nuk ka kush e vjel. Të rinjtë kanë ikur në emigrim”, tha fermeri Gjon Lazri.

Ndërsa fermeri, Preç Ndoj komenton mungesën e prodhimit ne zona te tjera.

“Kam dëgjuar për ata që ankohen se s’ka prodhim por kjo vjen nga mungesa e shërbimeve. kur nuk e sheh pemën për 12 muaj dhe shkon veç në vjeshtë për ta vjel, ai nuk bën kokrra. Ne jemi të kënaqur me prodhimin sepse ne i bëjmë shërbim të vazhdueshëm”.

Falë prodhimit të bollshëm, çmimi i vajit të ullirit mbetet i njëjtë me vitin e kaluar. Aktualisht po tregtohet nga 400 deri në 600 lek për litër, në varësi të cilësisë.

Kultivimi i ullinjve në Troshan të Lezhës është një tradite e hershme, ku numërohen rreth 50 mije rrënjë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • XXX: 29/10/2023 21:18

    Ullinjt mbesin pa vjel e te rinjt vjelin ullinjt ne Greqi.Eshtd shume ma me leverdi te punosh tokat tuaja.Nuk jeni me te fituar.

    Përgjigju
  • Topi: 29/10/2023 08:57

    Ullinjtë në pemë, punëtorët në emigrim.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51