Pas llogaritjeve të tatimeve për parapagimin e tatimit te profesionet e lira, shumë prej këtyre bizneseve kanë nisur në tatime ankesat për rishikimin e kësteve dhe njohjen e shpenzimeve të zbritshme apriori, në masën 30%.
“Nëpërmjet një ankese që depozitova pranë Tatimeve Rajonale Fier kam kërkuar rishikimin e këstit të parapagimit, me qëllim përfshirjen e shpenzimeve të zbritshme në masën 30%. Nga 95,000 lekë në muaj kësti rezulton të shkojë 66,500.
Pra kam kërkuar të më njihen shpenzimet apriori për 2024, pasi nuk isha në dijeni të llogaritjeve të shpenzimeve me kontabilitet për parapagimin e tatimit për 2024. Shpenzimet e deklaruara për 2023 kanë qenë të ulëta”, pohoi një nga psikologet që ka dërguar ankesën pranë drejtorisë rajonale në Fier.
Edhe nga kontabilistët pohohet se tashmë janë të shumta ankesat e dërguara nga bizneset për rishikim të kësteve të parapagimit, pasi rezultojnë më të larta nga sa ishte parashikuar në ligj.
“Janë të shumta ankesat e bizneseve për tatimet. Kryefjala e tyre mbetet rishikimi i kësteve, pasi nga të gjithë pritej tjetër këst tjetër që ishte llogaritur më parë, më e ulët se ajo e llogaritur nga tatimet”, veçon një nga kontabilistët mbajtës i bilanceve të disa bizneseve.
Më 11 prill, administrata tatimore iu dërgoi bizneseve të profesioneve të lira njoftim vlerësimet me llogaritjen e 9 kësteve të parapagimit të tatimit. Bizneset njëzëri pohuan se detyrimi i këstit të parapagimit që varionte nga 500, 1000, deri 1,200 euro ishte i papërballueshëm.
Në llogaritjet e tatimeve mbështetur në deklaratën e të ardhurave dhe shpenzimeve të vitit 2023 në asnjë rast nuk është zbatuar njohja e shpenzimeve fikse në masën 30% për të vetëpunësuarit e profesioneve të lira me xhiro deri 10 milionë lekë në vit, siç përcaktohet në ligjin i ri “Për tatimin mbi të ardhurat” dhe udhëzimin shoqërues për zbatim.
Kontabilisti Sotiraq Dhamo paralajmëroi se moszbatimi korrekt i ligjit do të shkaktojë ankesa ndaj tatimeve.
“E kanë llogaritur tatimfitimin për të ardhurat dhe shpenzimet faktike të deklaruara për 2023. Ligji nuk është zbatuar në mënyrë korrekte. Nuk është marrë në konsideratë zbritja 30% e shpenzimeve fikse.
Shpenzimet e shumë bizneseve janë të ulëta për shkak të profesionit që bëjnë dhe pothuajse janë tatuar mbi të ardhurat e deklaruara. Kjo situatë do të krijojë lum ankesash nga bizneset ndaj administratës tatimore”, pohoi ai më herët.
Nga Tatimet është sqaruar se zbritja e tyre do të bëhet më 31 mars 2025 në bazë të aplikimeve të bizneseve të profesioneve të lira në fund të vitit 2024, pas plotësimit të formularit për zgjedhjen e regjimit të veçantë.
Nga ana tjetër nga ekspertët kontabël vlerësojnë se forma dhe përmbajtja juridike e zbatimit të ligjit nuk është aspak korrekte. Sipas tyre njoftim vlerësimet për parapagimet, jo vetëm që janë me referenca ligjore të gabuara, por në të shumtën e rasteve të llogaritura edhe gabim.
Për shkak të paqartësive ligjore, shkeljes së barazisë mes tatimpaguesve dhe konkurrencës së lirë ligji “Për tatimin mbi të ardhurat” është ankimuar 3 herë në Gjykatën Kushtetuese.
Së pari, u padit nga deputetët e grupit parlamentar të opozitës, më pas nga IKM dhe IEKA dhe së fundmi e dërguar në Kushtetuese me iniciativën e Av. Dr. Lulzim Alushaj, ku i janë bashkuar Shoqata e Biznesmenëve Italianë në Shqipëri (A.I.I.A.), Dhoma Kombëtare e Ndërmjetësve dhe 151 profesionistë të lirë në fushat e IT, Avokati, Auditues, financierë, përkthyes, konsulent mbi pasuri të paluajtshme etj./Monitor
Lajme të tjera
-
Profesionistët e lirë/ Tatimet: Mbi 7 mijë profesionistëve iu rikthyen 6 mln euro! Çelmeta: 600 prej tyre nuk kanë deklaruar llogaritë
20 Dhjetor, 17:59
-
Pr/ligjet e miratuara në Kuvend/ Rimbursohen profesionistët e lirë që paguan këstet e tatim-fitimit! Ngrihet shërbimi rezervist
19 Dhjetor, 23:23 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Tatimet: Gati të rimbursojmë profesionistët e lirë, saktësoni të dhënat e llogarive bankare
3 Dhjetor, 14:45 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
‘Turizmi 2025’ me rregulla të reja për të goditur evazionin, hotelet kapacitet minimal të detyruar! Tatimet ‘në sitë’ deklarimet në booking dhe Airbnb
8 Tetor, 17:08
-
Ilir Binaj emërohet drejtori i ri i Tatimeve
2 Tetor, 19:39 -
Tatimet letër bizneseve: Deklaroni pagat reale të punonjësve brenda 20 tetorit 2024 ose gjobë
2 Tetor, 15:31
-
Tatimet kërkojnë ‘foletë’ offshore ku biznesmenët transferojnë paratë! Informacione në 77 shtete
26 Shtator, 17:13
-
Qeveria nuk heq dorë nga tatimi i profesioneve të lira! Skemë e re taksimi në 2025! Kontabilistja: Nëse s’tatohen të gjithë, nuk e pranojmë
24 Shtator, 15:53
-
Tatimet nisin auditimin e pasurisë së milionerëve, në sitë 33 të parët! Makinat e luksit e të tjera do të ballafaqohen me pasurinë e deklaruar
23 Shtator, 19:08
