PROFIL/ Përplasja fatale 5 km larg shtëpisë, kush janë dy miqtë që vdiqën në aksidentin e Dajçit (FOTO)

Mëngjesi i sotëm ka qenë më i trishti për familjen e 32- vjeçarit Gentian Toma dhe atë të Robert Ejllit, 25 vjeç. Të dy miqtë që udhëtonin në makinën "Benz" me targa AA 929 FF të drejtuar nga Toma, humbën tragjikisht jetën në një aksident rrugor në superstradën Lezhë-Shkodër, pranë fshatit Dajç.

Shqiptarja.com mëson se dy të rinjtë rreth orës 01:40 kur edhe ndodhi aksidenti ishin vetëm 5 kilometra larg fshatit të tyre Mabë, tek i cili nuk mundën të kthehen më të gjallë.

Gentian Toma, për të cilën bënë postime prekëse edhe dy deputetët socialistë Pjerin Ndreu dhe Gjetan Gjetani është aktivist i Partisë Socialiste në Qarkun e Lezhës. Ai ka mbajtur më herët postin e Shefit të shitjeve në njësinë e OSHEE-së në Lezhë, ndërsa aktualisht punonte si specialist pranë bordit të kullimit në Bashkinë e Lezhës. Nga ana tjetër, miku i tij, 25-vjeçari Robert Ejlli kishte një biznes privat në zonë. 

LEXO EDHE:
Makina përplas drejtuesin e motoçikletës në superstradën Lezhë-Shkodër! I plagosuri transportohet në gjendje të rëndë drejt spitalit të Traumës

Viktima Gentian Toma drejtuesi i mjetit 'Benz'

Viktima Robert Ejlli

Policia njoftoi se makina me të cilin udhëtonin u përplas me një kamion, ndërsa burime të Shqiptarja.com saktësuan se shkak për aksidentin mund të jetë bërë mungesa e dritave në pjesën e pasme të kamionit. Në errërisë e sipër drejtuesi e ka pasur të pamundur të shquajë që para kishte një mjet dhe është përplasur me të.

Pritet që me daljen e ekspertizës të saktësohet edhe shkaku i aksidentit ku vdiqën dy miqtë.

Më datë 22.08.2018, rreth orës 01:40, në supërstradën Lezhë – Shkodër, në vendin e quajtur “Ura e Dajçit”, është marrë njoftim se ka ndodhur një aksident automobilistik, ku mjeti tip “Benz” me targa AA 929 FF me drejtues shtetasin G.T. 32 vjeç, banues në Mabë – Lezhë, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç, banues në Lezhë.

Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 25 vjeç, banues në Mabë – Lezhë.

Grupi hetimor nën drejtimin e Prokurorisë së Rrethit Gjyqësor Lezhë, vazhdojnë hetimet për zbardhjen e plotë të shkaqeve të aksidentit.

TAG:
• Gentian Toma
• Robert Ejlli
• superstrada Lezhë-Shkodër

Sondazhi i ditës:

A jeni dakord që personat e së njëjtës gjini të martohen ligjërisht?

• Po

  10.4%

• Jo

  86%

• Nuk e di

  3.6%

Vota total: 7249

Votat totale janë unike

• Sondazhi i ditës:

  A jeni dakord që personat e së njëjtës gjini të martohen ligjërisht?

  Po Jo Nuk e di