Ministrja e Arsimit dhe Sportit Evis Kushi gjatë aktivitetit ku u lançua programi i kodimit për të rinjtë, u shpreh se zhvillimet e vrullshme të kohës ofrojnë shumë mundësi për të rinjtë shqiptarë, të cilët janë të talentuar dhe ecin me ritme shumë të shpejta.
Ministrja Kushi tha se zhvillimi i teknologjisë, inovacioni, globalizimi, tregu i punës që transformohet çdo ditë që kërkon profesione të reja, ofron mundësi të reja. Që të rinjtë t’i shfrytëzojnë këto mundësi të ofruara në këtë kohë, duhet të pajisen me disa aftësi të reja, aftësitë e shekullit 21, që janë logjika, kreativiteti, mendimi kritik, aftësitë praktike.
“Padyshim, shekulli i 21 është shekulli i teknologjisë, inovacionit dhe digjitalizimit” – u shpreh znj. Kushi.
Në sistemin arsimor punohet çdo ditë që nxënësit dhe të rinjtë të pajisen me këto aftësi që janë emergjente nga zhvillimet e kohës.
“Vitin e kaluar morëm vendimin për të përfshirë Teknologjinë e Informacionit dhe Komunikimit dhe programet e kodimit që në klasën e parë. Kemi nisur një projekt pilot në 100 shkolla ku kemi ngritur 100 laboratorë inteligjent, me një teknologji të përparua. Kemi trajnuar mësuesit, jo vetëm për përdorimin e kësaj teknologjie të përparuar por edhe programin, një platformë novatore për t’i mësuar nxënësve kodimin nëpërmjet lojës” – tha ministrja.
Duke folur për arsimin e lartë, znj. Kushi tha se nëpërmjet ndërkombëtarizimit, universitetet shqiptare janë nxitur që të hapin programe të përbashkëta ose të dyfishta me universitete prestigjioze.
Ministrja shtoi se programet në IT janë mundësi e mirë për të rinjtë për të patur diploma me vlerë për tregun kombëtar dhe ndërkombëtar, që e bëjnë më të lehtë edhe integrimin e të rinjve në tregun e punës.
Ndërsa ministrja për Rininë dhe Fëmijët, Bora Muzhaqi tha se të gjithë të rinjtë të cilët duan të bëhen pjesë e kurseve të kodimit do të subvencionohen nga qeveria dhe mbështetja do të vijojë deri në 300 mijë lekë.
Të rinjtë që do duan të bëhen pjesë e kurseve të kodimit që do të subvencionohen nga qeveria do mund të aplikojnë nga sot përmes e-Albania. Aplikimi bëhet në portalin qeveritar https://e-albania.al në shërbimin: “Aplikim për kursin e Formimit Profesional me mbështetje financiare”.
Ministrja për Rininë dhe Fëmijët, Bora Muzhaqi tha se mbështetja për të rinjtë do të variojë nga 150 mijë lekë deri në 300 mijë lekë, ndërsa shtoi se do të ketë subvencionim me 200 mijë lekë edhe për përshtatjen e kurseve për të rinjtë me aftësi të kufizuara.
Muzhaqi theksoi se një ndër qëllimet kryesore të këtij programi është që të ndërlidhë të rinjtë me tregun e punës. Për këtë arsye në event ishin të ftuar dhe shoqëri tregtare e biznese të cilat kanë mundësi të kontribuojnë në përfshirjen e të rinjve në tregun e punës.
Në këtë event prezantues të programit morën pjesë të rinj të cilët ndanë eksperiencat e tyre të suksesshme pas kursit të kodimit, shumë prej të cilëve menjëherë pas kursit kanë filluar punë në kompani prestigjioze në fushën e teknologjisë, si Lufthansa.
Të rinjtë që do duan të bëhen pjesë e kurseve të kodimit që do të subvencionohen nga qeveria do mund të aplikojnë nga sot përmes e-Albania. Aplikimi bëhet në portalin qeveritar https://e-albania.al në shërbimin: “Aplikim për kursin e Formimit Profesional me mbështetje financiare”.
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
