POP 5

Lajmet më të lexuara të 5 minutave të fundit

Ekonomi

Programi qeveritar, biznesi:
Të konsultohemi për taksat

Konfindustria ka vlerësuar se, në kushtet kur ekonomia shqiptare, që ka ndjerë ashpër pasojat e krizës globale, do të ketë nevojë të vazhdueshme për tërheqjen e investimeve të huaja.
Programi qeveritar, biznesi:<br />Të konsultohemi për taksat
TIRANE- Konfindustria, duke mbështetur parimisht qëllimet e shpallura të programit ekonomik të qeverisë së re, të dalë nga zgjedhjet e 23 qershorit 2013, njëkohësisht shprehu dje, me anë të një komunikate, qendrimin e saj se mënyrat, mjetet dhe koha e përmbushjes së qëllimeve të sipërpërmendura kanë nevojë sa më shpejt për sqarime të plota dhe profesionale nga përfaqësuesit e Ekzekutivit.

Konfindustria ka vlerësuar se, në kushtet kur ekonomia shqiptare, që ka ndjerë ashpër pasojat e krizës globale, do të ketë nevojë të vazhdueshme për tërheqjen e investimeve të huaja, politikat fiskale nxitëse janë të rëndësishme dhe u duhet kushtuar kujdes i veçantë.

Në këtë kuptim, zbatimi në rritje nga niveli i sotëm prej 10% i taksës progresive, të parashikuar në programin e qeverisë së re për kompanitë e përcaktuara si të “mëdha”, do të ulte interesin e biznesit të huaj, por edhe vendas, për të investuar në Shqipëri. Kjo, sepse të gjitha vendet konkurente tona në rajon, si Serbia, Maqedonia, Bullgaria, etj. zbatojnë politika fiskale të taksës së sheshtë, prej 10% ose dhe më të ulët.

Konfindustria këshilloi qeverinë e re që taksa progresive më e lartë se 10% në kushtet e sotme ka kuptim të zbatohet për operatorët tregtarë, që punojnë në kushtet e privilegjuara me licensa shtetërore, që u sigurojnë tregje të mbyllura monopol ose oligopol dhe, si të tilla, njëkohësisht u japin mundësi për norma fitimi më të mëdha sesa mesatarja në shkallë vendi. Kategorizimi i përgjithshëm i kompanive në të “mëdha” dhe të “vogla” si bazë për të zbatuar politikën e taksave progresive në rritje nga niveli i sotëm prej 10% është i pambështetur profesionalisht dhe duhet të përmirësohet në programin qeveritar të paraqitur.

Konfindustria mbështet uljen e parashikuar me dy herë të tatimit mbi fitimin ndaj biznesit të vogël, duke këshilluar që shkalla bazë e referimit, e pasqaruar në programin qeveritar të shpallur, të ishte niveli i sotëm prej 10%.

Shkrimi u publikua sot (15.09.2013) në gazetën Shqiptarja.com (print)

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça