Bashkimi Evropian e vlerëson të suksesshëm fazën e parë të negociatave me Shqipërinë dhe se është gati për hapin e radhës. Në dorëzimin e Progres-Raportit në Kryeministri, i ngarkuari me Punë i Delegacionit të BE-së në Tiranë, Luigi Soreca vlerësoi ecurinë e Shqipërisë me reformat.
“Shqipëria është e angazhuar aktivisht në procesin e shqyrtimit analitik. Ka pasur një përfaqësim shumë të mirë të Shqipërisë në këtë proces. Objektivi ynë është që ta hapim grupkapitujt brenda këtij viti”, u shpreh Soreca.
Soreca vlerësoi punën e SPAK, duke thënë se ka arritur hetime serioze në hetimin e disa çështjeve të nivelit të lartë, kujtojmë këtu që sëfundmi SPAK ka vënë në hetim Berishën dhe ka arrestuar dhëndrin e tij për aferën e Partizanit.
Soreca tha se duhet t’i jepet fund pandëshkueshmërisë, ndërsa premtoi se autoritetet e drejtësisë do kenë në krah Bashkimin Europian dhe se sipas tij objektivi kryesor duhet të jetë ndjekja e parave.
"Korrupsioni është një fushë që sjell shqetësime serioze. SPAK ka arritur hetime serioze në çështje të nivelit të lartë. Të vazhdohet me luftimin e kulturës së pandëshkueshmërisë. Autoritetet e drejtësinë do kenë BE në krah të tyre. Ndjekja e parave duhet të jetë objektivi kryesor" tha Soreca.
Ambasadori Soreca nuk u shpëtoi dot pyetjeve për klimën politike në vendin tonë, duke u shprehur që Kuvendi duhet t’i kthehet normalitetit sa më shpejt dhe u bëri thirrje partive politike që të ulen në dialog.
“Shpresoj të kthehet shpejt në funksionalitet normal dhe apeli ynë është që të gjitha partitë të punojnë drejt bashkëpunimit dhe dialogut që ta përmbushin këtë objektiv”, tha Soreca.
Sa i takon Reformës Zgjedhore, Soreca kërkon që mazhoranca dhe opozita ta kryejnë së bashku.
“Mesazhi kryesor është që dialogu konstruktiv dhe gjithëpërfshirës për reformën elektorale duke trajtuar rekomandimet e OSBE/ODIHR”, u shpreh ambasadori.
Vëmendje të veçantë në konferencë e përbashkët për shtyp me zv.Kryeministren Balluku, Soreca ia kushtoi miratimit të planit të rritjes.
“Konvergjenca ekonomike është element kryesor që Shqipëria dhe vendet e tjera të Ballkanit Perëndimor të afrohen me njëra tjetrën. Kjo është arsyeja se pse Komisioni Europian miratoi planin e rritjes 6 miliard euro dje”, vijoi ai.
Nga ana e saj zv.kryeministrja Belinda Balluku e konsideroi progres raportin si më pozitivin e shkruar ndonjëherë.
“Raporti më pozitiv, ecurinë shumë të mirë të reformave, që kemi ndërmarrë në drejtim të sundimit të ligjit dhe shtetit të së drejtës. Raport i pavarur, vlerësim real i reformave, që janë në sytë e qytetarëve tanë por që marrin rëndësinë edhe të ndërkombëtarëve”, tha Balluku.
Më herë ambasadori Soreca e dorëzoi progres raportin vjetor të Komisionit Evropian edhe Presidentit Bajram Begaj.
(Progres Raporti i plotë i KE)
Ambasadori Luigi Soreca, kërkon që mazhoranca dhe opozita të kryejnë së bashku reformën elektorale.
Zbatimi dhe ecuria e reformave – shpreh Soreca- është edhe kusht për të përfituar nga fondi 6 mld euro që BE ka parashikuar për Ballkanin Perëndimor.
“Raporti thekson se zgjedhjet kanë qenë të mirë organizuara, por ngre shqetësime për keqpërdorimin e resurseve shtetërore dhe presione ndaj votuesve. Mesazhi kryesor është që dialogu konstruktiv dhe gjithëpërfshirës për reformën elektorale duke trajtuar rekomandimet e OSBE/ODIHR.
Ftoj qeverinë dhe institucionet përkatëse që të shfrytëzojnë maksimalisht fokusin politik të BE për zgjerimin dhe ambicien për të reduktuar boshllëqet ekonomike dhe diferencat ekonomike dhe sociale.
Nevojitet lidership i fortë politik për të përshpejtuar reformat që janë të lidhura me BE. Kjo kërkon një frymë ndërpartiake, me një strukture negocimi solide në mënyrë që Shqipëria të ndjekë nga afër ndryshimet që duhet të bëjë për tu integruar në BE.
Të mos harrojmë që reformat që bën Shqipëria nuk janë të nevojshme për të plotësuar kriteret për në BE, por për të përmirësuar jetesën e qytetarëve shqiptarë”, tha Soreca.
Ambasadori i BE, Luigi Soreca duke folur për progres raportin e BE për Shqipërinë, u ndal edhe në lirinë e medias, duke thënë se ka ende shqetësime për lirinë e shprehjes dhe intimidimin e gazetarëve. Soreca tha se Shqipëria duhet të përmirësohet në këtë drejtim.
“Shqetësim ka ende liria e shprehjes. Cilësia e gazetarisë pengohet nga përqendrimi i cilësisë në media. Raporti thotë se fushatat e baltosjes dhe intimidimit të gazetarëve nuk janë shuar. Ju duhet të vazhdoni përmirësimin në këtë drejtim”, tha Soreca.
Ambasadori i BE në Tiranë, Luigi Soreca është pyetur mbi kaosin e Rithemelimit në Kuvend. Soreca tha se shpreson që të kthehet normaliteti, ndërsa u bëri thirrje partive politike që të kthehen në dialog.
“Institucionet funksionale në demokraci janë një aspekt thelbësor i integrimit të Shqipërisë në BE. Shpresoj të kthehet shpejt në funksionalitet normal dhe apeli ynë është që të gjitha partitë të punojnë drejt bashkëpunimit dhe dialogut që ta përmbushin këtë objektiv. Raporti e identifikon si rruga për të ecur para”, tha Soreca.
Në konferencën e prezantimit të Progres Raportit të BE për Shqipërinë, ambasadori i BE në Tiranë, Luigi Soreca tha se vendi ynë ka bërë progres në reformat për integrimin në BE. Soreca theksoi edhe njëherë se Shqipëria është një partner i besueshëm i Bashkimit Europian.
"Raporti shënon që autoritetet shqiptare kanë vazhduar që të shprehin në mënyrë të përhershme angazhimin politik për integrimin strategjik të BE. KE njeh që Shqipëria ka vazhduar të bëjë progres në reformat, duke përfshirë reformën në drejtësi. Shqipëria ka mbajtur përputhshmëri me politikat e huaja dhe ato të sigurisë. Ne njohim rolin që ka luajtur Shqipëria në këshillin e sigurisë. Shqipëria mbetet një sinjal i fortë i zgjedhjes strategjike në BE dhe rolit të saj si një partner i besueshëm i BE", u shpreh Soreca.
Ambasadori i BE, Luigi Soreca thotë se synohet që brenda fundit të këtij viti të hapen kapitujt e parë të negociatave për Shqipërinë.
“Shqipëria është angazhuar aktivisht dhe ka treguar një rang të lartë në procesin analitik. Dua të përgëzoj të gjithë skuadrën për përfaqësimin shumë të mirë të Shqipërisë në negociatat për BE. Objektivi ynë është që të hapim grupin thelbësore nga fundi i këtij viti. Kemi hyrë në pikën kulmore të procesit të negociatave. Shqipëria do ketë mundësinë të tregojë një angazhim të qartë për përparimin e reformave”, tha Soreca.
Ambasadori i BE në Tiranë, Luigi Soreca në konferencën e prezantimit të Progres Raportit të BE për Shqipërinë, ka vlerësuar punën e SPAK. Soreca tha se SPAK ka arritur hetime serioze në hetimin e disa çështjeve të nivelit të lartë, kujtojmë këtu që sëfundmi SPAK ka vënë në hetim Berishën dhe ka arrestuar dhëndrin e tij për aferën e Partizanit.
Soreca tha se duhet t’i jepet fund pandëshkueshmërisë, ndërsa premtoi se autoritetet e drejtësisë do kenë në krah Bashkimin Europian dhe se sipas tij objektivi kryesor duhet të jetë ndjekja e parave.
"Korrupsioni është një fushë që sjell shqetësime serioze. SPAK ka arritur hetime serioze në çështje të nivelit të lartë. Të vazhdohet me luftimin e kulturës së pandëshkueshmërisë. Autoritetet e drejtësinë do kenë BE në krah të tyre. Ndjekja e parave duhet të jetë objektivi kryesor", tha Soreca.
Komente
Lajme të tjera
-
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Shqipëria çel negociatat me BE-në për ‘Marrëdhëniet me Jashtë’! Ministri Hungarez: Treguat proges të shkëlqyer! Rama: S'ka kapitull të lehtë, as kthim pas
17 Dhjetor, 07:23 -
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49 -
Shqipëria tjetër hap drejt integrimit në BE, çel negociatat për 'Marrëdhëniet me Jashtë'! Më 17 dhjetor konferenca e tretë ndërqeveritare në Bruksel
13 Dhjetor, 19:58 -
'87 milionë euro nga BE nëse plotësojmë detyrat e 2025!' Manja: Mbyllim kapitujt në 2028! Procesi më tej politik
13 Dhjetor, 15:35
-
Rama: 6 muaj sulme sikur unë e Xhafaj kishim plan të errët për të bllokuar SPAK, s'presim opozitën për të shkuar para! Gonzato: Reforma në drejtësi të jetë e pakthyeshme
11 Dhjetor, 16:14 -
Zbardhet dokumenti negociues Shqipëri-BE! Detyrat që lë Bashkimi Europian: Dënoni korrupsionin e niveleve të larta e sekuestroni asetet e krimit
7 Dhjetor, 14:29
Ambasadori soreka kembengul qe SPAK te ndjeke parane se e di fort mire se paraja eshte shtresa dhe mbulesa e krimit per tere establishmentin politik 33 vjeçar,duke filluar nga salehu,tosi,likja,edvini dhe tere familjet mafioze nen komanden e tyre.
Përgjigju