POP 5

Lajmet më të lexuara të 5 minutave të fundit

Ekonomi

Projekt 62.5 mln USD 
për ujësjellësin e Durrësit

Ministri i Transportit dhe Infrastrukturës Edmond Haxhinasto dhe Laura Tuck, zv.presidentja e Bankës Botërore për Evropën dhe Azinë Qëndrore vizituan ndërmarrjen e Ujësjellës Kanalizime të qytetit të Durrësit. 
TIRANE- Ministri i Transportit dhe Infrastrukturës Edmond Haxhinasto dhe Laura Tuck, zv.presidentja e Bankës Botërore për Evropën dhe Azinë Qëndrore vizituan ndërmarrjen e Ujësjellës Kanalizime të qytetit të Durrësit. “Brenda pak ditësh, është hera e dytë që vijmë këtu. Kjo është shprehje e interesit të madh që, si qeveria shqiptare, ashtu edhe Banka Botërore kanë për sektorin jetik të ujit dhe kanalizimeve.

Këtu mblidhemi për të diskutuar për një projekt konkret, i cili është bashkëfinancuar nga BB, një projekt i cili është në operim të suksesshëm dhe për këtë unë dëshiroj të shpreh edhe një herë falenderimin në emër të Qeverisë Shqiptare për mbështetjen që BB ka dhënë për këtë projekt, por përtej këtij ne kemi një program të gjërë bashkëpunimi me BB dhe me donatorë të tjerë, program i cili pa diskutim që ka sfidat e veta”, tha ministri Haxhinasto.

Sipas tij BB tashmë është një partner themelor në të gjitha përpjekjet. Shumë shpejt do të prokurohet një projekt i ri për furnizimin me ujë të Durrësit dhe të zones përreth, me vlerë rreth 62.5 milionë euro. Është shumë e rëndësishme që këto shërbime, të cilat janë kaq të rëndësishme, të kenë një kthim të vlerës që realizohet, sepse mundësia e kthimit të këtyre investimeve krijon mundësi të reja për të aspiruar e përmirësuar cilësinë e tyre”, u shpreh ai më tej.


Shkrimi u botua në Shqiptarja.com (print) në 31 maj 2014
(d.a/shqiptarja.com)   
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31