POP 5

Lajmet më të lexuara të 5 minutave të fundit

Politikë

Projektbuxheti vendor 2020/ Manja: E ftuam por kishte angazhime të tjera! Reagon Voltana Ademi: Gënjeshtër!

Por, për këtë deklaratë të Manjës, ka ardhur edhe reagimi i kryetares në detyrë në Bashkinë e Shkodrës, njëherazi edhe Kryetare e Shoqatës së Bashkive, Voltana Ademi.

Projektbuxheti vendor 2020/ Manja: E ftuam por kishte angazhime të tjera! Reagon Voltana Ademi: Gënjeshtër!

Kryetarja ende në detyrë e Bashkisë së Shkodrës, njëherazi edhe Kryetare e Shoqatës së Bashkive, Voltana Ademi, ka reaguar për deklaratën e Kryetarit të Komisionit të Ligjeve, Ulsi Manja, se ajo ka refuzuar ftesën për të marrë pjesë në diskutimin për projektbuxhetin vendor në 2020.

Përmes një statusi në profilin e saj në Facebook, Ademi shprehet se nuk ka qenë e ftuar në mbledhjen e Komisionit të Ligjeve!

Madje, ajo thotë se nuk ka pasur asnjë komunikim me Manjën, dhe deklaratat e tij i cilëson si demagogji për të dizinformuar mediat.

“E vërteta është një dhe e vetme: Voltana Ademi nuk është ftuar në mbledhjen e Komisionit të Ligjeve! Nuk ka patur asnjë komunikim, të asnjë lloji në formën e ftesës për të marrë pjesë në mbledhje as si kryetare e Bashkisë Shkodër dhe as si kryetare e Shoqatës së Bashkive të Shqipërisë.

Por pavarësisht se nuk ka patur asnjë ftesë për kryetaren, Shoqata e Bashkive të Shqipërisë ka dërguar shqetësimet dhe objeksionet e saj lidhur me projektbuxhetin.

Deklaratat e z. Manja janë thjesht gënjeshtra e rradhës, demagogji për të dizinformuar mediat dhe publikun. Nuk kanë asnjë lidhje me të vertetën.

Por, personalisht nuk çuditem aspak, sepse kjo mazhorancë edhe vetë Ulsiu e kanë të provuar tashmë se qëllimin e vetëm kanë gllabërimin e të gjitha pushteteve, institucioneve, duke përdorur edhe dizinformimin e publikut dhe mediave.”-ka reaguar Ademi.

Gjatë diskutimeve për projektbuxhetin vendor në 2020, në Komisionin e Ligjeve, Manja tha se Voltana Ademi, ishte e ftuar në cilësinë e Kryetares së Shoqatës së Bashkive, por që nuk kishte pranuar ftesën.

 “I kemi bere ftese për të qenë në seancën dëgjimore edhe shoqatës se bashkive që e drejton kryetarja në detyre e bashkisë Shkodër Voltana Ademi. Në komunikim me Ademin, ajo ka njoftuat se për shkak të angazhimeve nuk merr pjese në komision, por ka dërguar një material me shkrim”, pohoi Manja.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur

Aksident i rëndë në Korçë – Pogradec/ Përplasen dy makina, një i vdekur

8 Janar, 23:55