Projekti i BE/ Qendër për ngritjen e një kampi emigrantësh nga lindja

Disa vende të BE i propozuan Brukselit një zgjidhje përfundimtare për emigrantët e paligjshëm të cilët vijnë nga Lindja e Mesme për ngritjen e një kampi emigrantësh në njërën nga vendet e Evropës por jashtë kufijve të Bashkimit Evropian.

Kancelari Kurz nuk e bëri të ditur emrin e shtetit që ka pranuar të strehojë të gjithë emigrantët e paligjshëm por vendet më të mundëshme janë vendet e Ballkanit.

Propozimi ynë është që këtyre njerëzve që janë në kërkim të azilit t’u ofrohet mbrojtje humanitare jashtë kufijve të BE-së, në një vend brenda kontinentit tonë. Në këtë mënyrë këtyre njerëzve mund t’u ofrojmë mbrojtjen humanitare nëse është e nevojshme, por ata nuk do të mund të zgjedhin shtetin që kanë dëshirë të kërkojnë azil. Kemi nisur kontaktet për të gjetur zgjidhjen më të mirë dhe ka progres deri tani në diskutimin e kësaj çështjeje” – tha Kurz.

Presidenti i Komisionit Europian Juncker, nuk e ka kundërshtuar këtë ide.

“Të merresh me emigracionin ilegal është një çështje evropiane, por njëkohësisht edhe kombëtare e secilit shtet anëtarë, ndaj nuk refuzohet një iniciativë e tillë. Kur flitet për çështjet e emigracionit ilegal, duhet gjetur një zgjidhje konsensuale mes nesh, në fund të Qershorit. Për mua, mbrojtja e kufijve të jashtëm të Evropës është një përparësi që ka përparësi mbi çështje të tjera” është shprehur Juncker.

Krahas ngritjes së kampit më të madh të refugjatëve jashtë kufijve të BE-së, Austria ka propozuar në takimin e Ministrave të Brendshëm të shteteve nga ku po kalon rrjedha e re e refugjatëve, që të mbrojnë kufijtë e tyre me forca ushtarake.

//Shqiptarja.com

TAG:
• Projekti i BE
• emigrantet e paligjshem