POP 5

Lajmet më të lexuara të 5 minutave të fundit

Ekonomi

Projekti i Doganave
vazhdon puna me BE

Dje, Drejtoresha e Përgjithshme e Doganave, Elisa Spiropali, mori pjesë në takimin e Komitetit Drejtuest të Projektit IPA AL 2011 “Mbështetje për Administratën Doganore Shqiptare”.
Projekti i Doganave<br />vazhdon puna me BE
TIRANE- Dje, Drejtoresha e Përgjithshme e Doganave, Elisa Spiropali, mori pjesë në takimin e Komitetit Drejtuest të Projektit IPA AL 2011 “Mbështetje për Administratën Doganore Shqiptare”. Ky është pjesë i një Projekti të finacuar nga BE, për menaxhimin e doganve të Shqipërisë. Ky Projekt po vazhdon edhe pse Qeveria ka kontraktuar tashmë kompaninë britanike “Crown Agents”, gjithashtu me qëllimin e miradministrimit të doganave.  Në takim ishin të pranishëm Claus Lech, Delegacioni i BE-së; Natalina Cea, Drejtuese e Projektit (Projekti i Binjakëzimit), si edhe stafi teknik i Projektit. Drejtoresha Spiropali i falenderoi të pranishmit nga ana e Qeverisë Shqiptare për mbështjen që BE-ja i ka dhënë administratës doganore shqiptare. Më tej, ajo vijoi të nënvizonte se nga ana e Doganave “do të intensifikoheshin kërkesat për të aplikuar dhe fituar të gjitha Projektet e BE-së, që modernizojnë sistemin tonë doganor”.
 
Projekti
Sipas Doganave, Projekt i Binjakëzimit synon të përmirësojë performancën e kësaj administrate, me rritjen e kapaciteteve në fushat e Analizës dhe Menaxhimit të Riskut, të Kontrolleve pas zhdoganimit, të mbrojtjes së pronësisë intelektuale (IPR) dhe përafrimin e plotë të Laboratorit Doganor me praktikat dhe standardet më të mira të BE-së. Projekti deklarohet se është aktual dhe tepër i domosdoshëm për objektivin e kthimit të Doganës edhe në një instrument për lehtësimin e zhvillimin e tregtisë, duke siguruar në të njëjtën kohë minimizimin e evazionit fiskal. Ndërkaq, monitoruesit e Projektit të Binjakëzimit e vlerësuan pozitivisht punën e bërë deri më tani dhe u shprehen optimistë për përmbylljen me sukses të tij (në mesin e vitit 2014). Drejtoresha Spiropali theksoi rëndësinë që ka ekspertiza evropiane  për stadin e zhvillimit të sistemit tonë doganor.
 
Financimi
Administrimi i Doganave nga ana e “Crown Agents” ka shkaktuar debat në BE. Para disa javëve, Direktorati i përgjithshëm i Taksave e Doganave të Komisionit Europian u shpreh se qeveria Rama nuk ka bërë hapin më të mirë të mundshëm me pranimin e një kompanie konsulente private për të përmirësuar performancën e doganave, ndërkohë që BE është e angazhuar prej kohësh në asistencë të tillë. Për më tepër asistenca e britanikëve do t’u kushtojë taksapaguesve shqiptarë 8.5 milionë euro në 2 vjet. Ndërkaq, gjatë takimit të sotëm nuk është bërë e qartë nëse ka pasur apo jo “përplasje” në lidhje me Projektit të Binjakëzimit të Doganave, i financuar nga Brukseli, dhe kompanisë britanike “Crown Agents. 

Shkrimi u publikua sot (23.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

Modena/ Dy ‘skifterët’ shqiptarë grabitën 400 mijë euro mall në tetë ditë, 19 vjedhje në seri! Njëri i dënuar dhe për plagosje, plaçkitjet me orar

28 Nëntor, 16:34