POP 5

Lajmet më të lexuara të 5 minutave të fundit

Kronikë

Ish-deputeti i PD-së Salianji merret i pandehur për dosjen 'Babale'

Ish-deputeti i Partisë Demokratike, Ervin Salianji akuzohet për kallëzim të rremë lidhur me denoncimin e audiopergjimit të njohur me emrin Babale, ndërsa ditën e premte do të paraqitet në prokurori për t'u njohur zyrtarisht me akuzën që është ngritur kundër tij.

TIRANE-Prokuroria ka marrë të pandehur ish-deputetin e Partisë Demokratike Ervin Salianji për dosjen 'Babale'. Salianji akuzohet për kallëzim të rremë, ndërsa ditën e premte do të paraqitet në prokurori për t'u njohur zyrtarisht me akuzën që është ngritur kundër tij.

Salianji është marrë i pandehur, pasi rezultoi si personi që kontaktoi me Albert Veliun dhe nëpërmjet gazetarit Jetmir Olldashi publikuan në selinë e PD audio-përgjimin e rremë. Kjo vepër penale, kallëzim i rremë sipas nenit 305 të kodit penal ka një marzh dënimi nga gjobë deri në 5 vite burg.

Përmes një audio-përgjimi të publikuar në një media online në Shqipëri, dhe që më tej u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, njohur si "Babale" për pazare droge. Por zëri i audios rezultoi të mos ishte i Agron Xhafës.

Nga tjetër, sipas përgjimeve të Prokurorisë të cilat "Shqiptarja.com" i publikoi ekskluzivisht vitin e kaluar, Fredi Alizoti, në biseda telefonike me "Babalen" por edhe persona të tjerë si Florenc Hoxha dhe Erzen Breçanin, ish-policë në kohën e PD, thotë se zërin e Agron Xhafajt e ka bërë ai, si dhe për vënien në jetë të këtij skenari do paguheshin 200 mijë euro nga Salianji.

Alizoti që tashmë ndodhet në burg, shprehej i zhgënjyer me Albert Veliun, i cili nuk i ka dhënë asnjë lek dhe ishte larguar për azil. Pasi u arratis fillimisht në Kosovë ku kërkoi për disa muaj azil politik, Albert Veliu përfundoi në fillim të këtij viti në Belgjikë. Ndërkohë që cështja për Babalen (Albert Veliun) dhe kunatin e tij është e veçuar për shkak se hetimet ndaj Salianjit nisën në kohën kur ai ishte deputet.

Tashmë cështja pritet që të përfundojë në gjykatë. Ndërkohë që pas publikimit të audio-përgjimit vëllai i ish-ministrit të Brendshëm Fatmir Xhafa, Agron Xhafa la kampionin audio të zërit të tij në prokurori dhe u largua për t'u dorëzuar drejtësisë në Itali ku kishte për të vuajtur edhe 4 vite burg.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fadil BAJG gjoleka: 07/03/2019 13:20

    Ky salinjan duhet të Budget se burgaxhit mezi e presin për ta vën që të kali sapunin.

    Përgjigju
  • emri: 06/03/2019 23:14

    Burgu per BURRAT esht

    Përgjigju
  • Ariu: 06/03/2019 18:45

    Po ctu desh o sumshpum qe hoqe dore nga mandati. Ta futi lulshalngjituri e tani do kapesh sapunin te nacut

    Përgjigju
  • Uzo: 06/03/2019 18:29

    Surrat i keq ky Salianji.

    Përgjigju
  • $$$$$$: 06/03/2019 16:38

    Haha populli shqipare mendon se do arrestohet salianji.. nuk ka shanc o popull te gjith politikanet ne shqiperi kan nje fytyr te gjith DERRA

    Përgjigju
  • TONI: 06/03/2019 16:22

    kur te futet brenda ta mar dhe peshkun me vete

    Përgjigju
  • sula: 06/03/2019 15:56

    ca do bosh do gjesh o sum shpum qe ke qef sapun

    Përgjigju
  • Populli: 06/03/2019 15:51

    Jo I pandehur por te arrestohet biri kurves per maskaralleqet qe ka bere dhe denimi te jete shembullor

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu