POP 5

Lajmet më të lexuara të 5 minutave të fundit

Ekonomi

Prokuroria nis hetime për tregun
Moskallzimi, hetohet Metrologjia

Burime pranë organit të Akuzës në Tiranë deklaruan dje se njësia Task-Force do të nisë hetimet ndaj subjekteve tregtare që shesin hidrokarbure për evazion fiskal, mashtrim dhe vjedhje.
Prokuroria nis hetime për tregun<br />Moskallzimi, hetohet Metrologjia
TIRANE - Burime pranë organit të Akuzës në Tiranë deklaruan dje se njësia Task-Force do të nisë hetimet ndaj subjekteve tregtare që shesin hidrokarbure për evazion fiskal, mashtrim dhe vjedhje. Kjo, ndonëse nuk është kërkuar nga ana e Drejtorisë së Përgjithshme të Metrologjisë një gjë e tillë. Sipas prokurorëve, Metrologjia e ka për detyrë ligjore që, në rastet kur konstatohen mashtrime në treg, veç ndëshkimeve administrative, duhet të paraqesë edhe kallëzim per ndjekje penale ndaj subjekteve që mashtrojnë, bëjnë evazion fiskal apo vjedhin konsumatorin. Këto janë krime dhe jo kundërvajtje administrative.

Drejtoria e Metrologjise, ndërsa nuk deklaroi për publikun emrat e subjekteve ku u konstatuan aktet penale, nuk i ka deklaruar deri tani emrat e tyre as për organin e Prokurorisë, duke u mjaftuar me vendosjen e gjobave modeste. Kjo u hap një pistë tjetër për hetim zyrtarëve të Akuzës, e cila tani do të ngrejë akuza edhe vetë krerët e Metrologjisë, këtë herë për moskallzim krimi.

Edhe në Prokurorinë e Përgjithshme thonë se janë të gatshëm që, sapo të publikohen emrat e kompanive që mashtrojnë me sasinë e karburantit, të hyjnë në veprim. Në rastin më të mirë, abuzuesit mund t’ia hedhin me pagimin e gjobës së Metrologjisë, por ndërkaq kjo mund të klasifikohet edhe si vepër penale.

Neni 143 i Kodit Penal parashikon që “vjedhja e pasurisë me anë të gënjeshtrës ose shpërdorimit të besimit dënohet me gjobë ose me burgim gjer në 5 vjet, por kur kjo vepër kryhet në bashkëpunim në dëm të disa personave, ose më shumë se një herë dënohet me burgim nga 3 gjer në 10 vjet dhe kur ka sjellë pasoja të rënda dënohet me burgim nga 10 deri në 20 vjet”.

Por neni 182 i Kodit Penal parashikon edhe veprën penale të “ndryshimit në aparatet matëse”, nga një gjobë deri në 2 vjet burg. Veprimet e kryera nga subjektet lejojnë prokurorët të formulojnë akuza konkrete. Nga kontrolli i Drejtorisë së Metrologjisë rezultoi se jo pak, por mbi 11% e karburanteve në shkallë vendi abuzonin me sasinë.

Shkrimi u botua sot në gazetën Shqiptarja.com (print) 05.09.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça