TIRANE- Agjencia e Kthimit dhe e Kompensimit të Pronave ka përfunduar publikimin elektronik të të gjitha dosjeve që tashmë kanë marrë një vendim nga Agjencitë në rrethe apo dhe AKKP në qendër. Dosjet janë ndarë në 12 qarqe ku veç emrave është shënuar dhe sipërfaqja e njohur dhe ajo e kthyer.

Mësohet se këto janë vetëm dosjet të cilat kanë pasur të dhëna në arkivën e AKKP. Por se një pjesë e të dhënave të zhdukura nga ngjarjet e ’97 mund dhe të mos gjenden në faqe. Ndaj dhe do të duhet të jenë palët e interesuara që duhet të bëjnë aplikimin për paraqitjen e tyre. Kjo sidomos për ato subjekte që do të kërkojnë. Ndërsa në shtator do të hapen për të marrë vendim 5500 dosjet e mbetura. Të dhënat elektronike gjenden te www.akkp.gov.al.