POP 5

Lajmet më të lexuara të 5 minutave të fundit

Ekonomi

Propozimi për rritjen e taksës së karbonit për qymyrin, Komisioni i Ekonomisë kërkon të shtyhet: Nuk sjell ulje të ndotjes, rrit kostot për bizneset

Propozimi për rritjen e taksës së karbonit për qymyrin, nuk sjell ulje të ndotjes por rrit kostot për sipërmarrjet. Me këtë arsyetim Komisioni i Ekonomisë ka kërkuar nga Ministria e Financave të shtyhet ky ndryshim ligjor që është pjesë e paketës fiskale për vitin 2024.

Komisioni i Ekonomisë propozon shtyrjen e afatit për miratimin e rritjes së taksës së karbonit për qymyrin.

Projektligji për ndryshimin e ligjit për “Taksat Kombëtare”, parashikon që të rritet sipas një kalendari taksa e karbonit për qymyrin nga 3 lekë/kg qymyr që është sot, të shkojë në të paktën 15.3 lekë/kg qymyr në vitin 2030.

Synimi i këtij projektligji është ulja e ndotjes nga emetimi i karbonit, por për komisionin e Ekonomisë, rritja e taksës vetëm dëmton këto industri dhe nuk sjell ndonjë efekt të prekshëm në reduktimin e ndotjes.

"Është e paqartë se çfarë impakti do të sjellë në buxhetin e shtetit, dhe pse është aplikuar vetëm për qymyrin. Ky projektligj penalizon disa ndërmarrje. Vlera e të ardhurave është e papërfillshme pasi do ulet konkurrueshmëria, si dhe nuk mund të realizohet pasi do ulet aktiviteti i ndërmarrjeve. Ky projektligj duhet të kalojë edhe një herë për rishikim, dhe pasi të qartësohet mund ta miratojmë", tha deputteja e PS, Eni Zake.

"Kjo taksë përveç se i bën produktet shqiptare më pak të konkurrueshëm. Ne duhet tu japin mundësi këtyre fabrikave që të përdorur lëndë të tjera që ndotin më pak. Kjo masë e tillë nuk i shërben dhe nuk luan rolin që ne duam për të ulur emetimin e karbonit", u shpreh Eduard Shalsi, Kryetar i Komisionit të Ekonomisë.

Sipas projektligjit nga kjo taksë preken industria e çimentos, ajo e çelikut, si dhe industria e prodhimit të ferro-kromit, të cilat janë edhe kompani të rëndësishme eksportuese në vendin tonë dhe kostoja e produkteve të tyre ndikohet për shkak të rritjes së nivelit të taksës së karbonit. Tri janë kompanitë kryesore importuese në Shqipëri të produktit qymyr, të cilat zënë 99.9% të totalit të importit  (rreth 100 mijë tonë në vit).

Faza fillestare e tij do të fillojë në fillim të vitit 2024 dhe do të hyjë plotësisht në fuqi më 1 janar 2026. Në fazën fillestare do të bëhet edukimi i tatimpaguesve lidhur me këtë mekanizëm e më pas implementimi i mekanizmit në vitin 2026. Në 30 nëntor miratohet në parim buxheti dhe paketa fiskale në komisionin e ekonomisë, dhe në datë 7 dhjetor do të kalojë në Kuvend.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça