Protesta anti-shpifje/ Kristo: Ramës i fryu pushteti në vesh, i dhëmb fjala e lirë e qytetarëve! Duhet vetërregullim

Pegagogu dhe moderatori Erion Kristo kundërshtoi nga protesta para Parlamentit paketën 'anti-shpifje' duke thënë se ky ligj që kërkohet të miratohet sot, është në vetvete cënim i fjalës së lirë, pasi kryeministri Edi Rama sipas tij nuk i do kritikat. Protesta ka qëllim tha ai mbrojtjen e të drejtës së qytetarëve për informim.

"Ky ligj nuk ka lidhje me shpifjen, ky ligj ka lidhje me kontrollin e informacionit, Ky ligj do t'i bëjë qytetarët të mos shprehin dot asnjë mendim të lirë. Një shans i vërtetë për t'i mbyllur gojën njerëzve. Edhe në kohërat kur njerëzit e dinin shumë mirë që do të dënoheshin, prapë flisnin. Sapo mori pushtetin, pushteti i fryu në vesh dhe e bëri të ndërrojë mendim. Vetëm ERTV është e drejta, e vërteta dhe jeta. Atij i dhëmb më shumë fjala e lirë e qytetarëve, ai e lyen mirë skenën, por e lyen keq prapaskenën. Aty i dhemb më shumë, se nuk pranon autoritetet tjetër përveç vetes. Do të mbulojë edhe të fundit, fjalën e lirë në mediat online. Thotë që rrjetet sociale nuk i prek, por thotë që do prekë thelbin, portalin. Çdo nen i ligjit është kapje e pushtetit. Thelbi i protestës është e drejta e qytetarëve për t'u informuar. Situata mund të zgjidhet me vetërregullim, janë të gjitha ligjet. Pushtetet janë të ndara dhe ai që i ndau pushtetet kishte më shumë mend se këta që duan t'i bashkojë", tha Erion Kristo.  

Lajmi kryesor:

Gazetarët protestë kundër 'kapjes' së portaleve: Jemi anti shpifjes, por jo zëvendësimit të gjykatës me AMA-n (VIDEO)

TAG:
• proteste
• ama
• akep
• paketa antishpifje