Protesta në Elbasan, policia padit deputetin e PD dhe mohon akuzat për dhunë: Nuk goditëm fëmijët

ELBASAN- Policia ka paditur deputetin e PD, Luçiano Boçi për protestën e zhvilluar dje në fshatin Mengël. Sipas policisë, deputeti demokrat së bashku me disa banorë të fshatit akuzohen për; "Shtyrje e të miturve në krim”, “Organizim dhe pjesëmarrje në grumbullimin e manifestim të paligjshëm”, "Kundërshtim i punonjësve të policisë", dhe “Pengimi i qarkullimit të mjeteve të transportit”.

Në deklaratën për mediat, Policia e Shtetit referuar rastit të fëmijës që u shfaq në media duke thënë se u qëllua nga efektivët, thotë se; Nuk kemi ushtruar asnjë lloj dhune, ndaj asnjë fëmije. Është pyetur në prani të të afërmve dhe psikologes, i mituri që u shfaq në disa media si i keqtrajtuar. Është kryer një akt ekspertimi për fëmijën, si dhe janë marrë në shqyrtim pamjet filmike në dispozicion. Nga të gjitha veprimet proceduriale të kryera, nuk rezulton që fëmija të jetë keqtrajtuar nga Policia apo të ketë ndonjë dëmtim’.

Policia e Elbasanit deklaron se ‘shpreh keqardhjen për akuzat e ngritura si dhe përpjekjen e bërë nga deputeti i Partisë Demokratike, për të përbaltur punën e Policisë me qëllim pengimin në përmbushjen e misionit të saj, atë të shërbimit ndaj qytetarëve, të cilët për disa orë u penguan të qarkullonin në të dy kahet e aksit kombëtar Elbasan – Librazhd’.

LEXO EDHE:
Mbi 600 të arrestuar në 95 operacione, policia e shtetit bën bilancin për muajin prill (Video)

Protestuesit të mbështetur nga deputeti i PD dhe skeponetë të tjerë të opozitës bllokuan dje mbi 6 orë rrugën Elbasan-Librazhd.  Shkolla 9-vjeçare e fshatit Mengël ka rreth 300 nxënës. Ajo u mbyll me urdhër të Drejtorisë Arsimore Rajonale, pasi ndërtesa ka dalë jashtë funksionit për shkak të amortizimit.

Kryebashkiaku i Elbasanit Qazim Sejdini premtoi se punimet për shkollën do fillojnë shumë shpejt. Por prindërit dhe nxënësit këmbëngulin se shkolla nuk ka dëmtime, ndërsa ndryshe nga sa u premtua, deri dje nuk kanë nisur as punimet. Kjo bëri që të ngriheshin në protestë, ndërsa sot nisën punimet për rikonstruksionin e shkollës.

TAG:
• Protesta
• policia e shtetit
• luçiano boçi
• mengel
• shkolla ne mengel

Sondazhi i ditës:

Propozimi i PS, a na duhet një reformë e re anti-korrupsion?

• Po

  67.9%

• Jo

  24.5%

• Nuk e di

  7.6%

Vota total: 1770

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di