Deputetja e PD, Ina Zhupa e ftuar në emisionin “Kontrast” në Report Tv u shpreh se protesta e së shtunës nuk do të ketë limit kohor pasi do e vendosin qytetarët sa do të zgjasë revolta. Çështja ‘McGonigal’ për të cilën ka pasur debate të ashpra mes opozitës dhe mazhorancës do të zhvendoset në Bulevard, ku PD e Berishës paralajmëron se do të jenë minimalisht 100 mijë persona në Bulevard.
Përballë gazetarit Denis Minga dhe analistit Lorenc Vangjeli, deputetja e PD u shpreh se kjo protestë e thirrur më 11 shkurt nga Sali Berisha do të mbahet mend në histori por theksoi se nuk do të kryejnë asnjë lloj shkelje apo skenar dhune.
“Drejtësia amerikane i gjykon si korrupsion i lartë apo i ulët është çështje e tyre. Por për drejtësinë shqiptare, shpërdorimi i detyrës së kryeministrit nuk është akuzë që e bën ajo amerikane. Drejtësia amerikane nuk heton se si mban në punë një njeri të padeklaruar, por duhet t’i hetojë drejtësia shqiptare. Ne jemi përgjegjës për vendimet që do të merren për çuarjen përpara. Ne nuk e kemi të lidhur me McGonigal se nuk e kemi zgjedhur atë kryeministër.
Protesta nuk ka limit. Nuk kemi limit kohor. Nuk kemi orar të përcaktuar se është në dorë të qytetarëve që do shprehin revoltën e tyre, do bëjnë reagim qytetarë e do të vendosin se sa do të qëndrojnë për të protestuar. Ne nuk jemi barinjtë e popullit dhe ta konsiderojmë si dele. Ne jemi ata që i thërrasim. Ne kemi për detyrë t’i thërrasim e vendosim edhe një lokacion. Qytetarët atje nuk do të bëjnë asnjë lloj shkelje të madhësisë dhe skandalit që ka bërë Edi Rama. Ne nuk jemi për djegien e institucioneve. Jemi për revolucion demokratik në kuptimin e masave që lejon demokracia. Shikoni që pasi të mungojnë 13 deputetë opozitar, Edi Rama të shfaqet në parlament të enjten. Edhe PD ka nxjerrë mësimet e veta nga e shkuara”, tha Zhupa.
Për analistin Lorenc Vangjeli do të përcaktohen 2 kufij që nuk do të shkelen as nga opozita as nga mazhoranca. Sipas Vangjelit, mund të ketë prani të gazit lotsjellës e molotovit, por nuk do të ketë forma ekstreme dhune deri në përdorim arme.
“Protesta e së shtunës ka 2 kufij të përcaktuar qartë. Nëse njëra palë shkel kufirin, do të jetë përgjegjëse. Kufiri për protestuesit është shkalla e moderimit të dhunës. Besoj se mund të ketë edhe pamje të ashpra por jo ekstreme sepse në të gjitha rrethanat, organizatorët e protestës e dinë që edhe nëse do të hyjnë do të dalin me faturë të madhe. Pala tjetër e di se mund të ndodhë gjithçka në shesh por nuk do të shkaktojë viktima, nuk do të ketë të shtëna në shesh. Pavarësisht ankesave për demokracinë shqiptare hibride, kjo do të jetë fitore e të gjithë shoqërisë. S’do të ketë të shtëna. Do të ketë gaz lotsjellës. As PD s’do ketë forma ekstreme të dhunës, mund të ketë molotov e përplasje”, tha Vangjeli.
Sa i përket vendimit të Kuvendit për ta përjashtuar për 10 ditë nga seanca bashkë me 7 kolegë të tjerë, Zhupa thotë se nuk bëri asgjë tjetër veçse kërkoi të drejtën e fjalës. Ndërsa analisti Lorenc Vangjeli u shpreh se u përjashtuan nga Kuvendi 100 mijë shqiptarë që i kanë votuar këta deputetë dhe sqaroi se ka mungesë durimi nga të dyja palët në seancat plenare.
“Shyqyr që nuk ka internime. Me përjashtime e kalojmë kollaj. Atë ditë kërkova të drejtën e fjalës, kërkova mocion me debat me kryeministrin dhe për këto 7 deputetë e konceptojnë parlamentin si vend që duhet të bëjnë vetëm atë që kërkon Taulant Balla”, tha Zhupa.
“Janë rreth 100 mijë shqiptarë që i kanë votuar këta deputetë të jenë në parlament. Mazhoranca po tregon gjithnjë e më pak durim për të dëgjuar ndërsa opozita mungesë durimi për të pritur”, tha Lorenc Vangjeli.
Kujtojmë se socialistët kërkuan përjashtimin e Luçiano Boçit, Albana Vokshit, Ervin Salianjit, Ina Zhupës, Luan Baçit, Tritan Shehut, Gazmend Bardhit dhe Bledion Nallbatit pasi në seancën e fundit plenare sipas tyre ofenduan kryeparlamentaren Lindita Nikolla dhe shkaktuan kaos.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
ta hedhim ramen ne plehra bashke me taborrin komunist qe e mban ne pushtet
PërgjigjuKane kaluar shume kohe nga 2 paillis ne Shkoder, ka kaluar shume kohe nga shtatori i 98, ka kaluar shume kohe nga 21 janari. Tani duhet gjak i ri, per debate te reja.
PërgjigjuTe gjitha dihen, vetem nje fakt ka mbetur ne erresite nga organet e shtetit dhe te drejtesise: ku i gjejne parate e ketyre mitingjeve kombetare sali Berisha dhe Ilir Meta?!
Përgjigju