Protesta e thirrur nga Berisha, qytetarët nisen nga Shkodra, Berati dhe Vlora! Uniformat blu në gatishmëri, kontrolle për armë apo mjete prerëse

 

Teksa rreth 1000 protestues nga Vlora po përgatiten për tu nisur drejt Tiranës për protestën e thirrur nga Sali Berisha, policia e shtetit është në gatishmëri. Burime bëjnë me dije se ka kontrolle në hyrje të autostradës Levan-Vlorë për automjetet që largohen drejt Tiranës, kontrolle për sende të forta, mjete prerëse apo armë.

Gjithashtu kontrolle ka edhe për personat në kërkim.

Edhe nga Shkodra janë nisur protestuesit. Nënkryetari i PD në Shkodër, Qashif Hoxha rendit arsyet pse shkodranët i bashkohen sot protestës.

“Kjo është një protestë e radhës që ka të bëjë me situatën politike dhe ekonomike në vend. Kemi marrë masat që Shkodra të përfaqësohet me simpatizantët e vet. Arsyet e protestës janë të shumta. Tani cdo njeri e di, mungesa e respektt ndaj opozitës, shkelja e ligjeve të ndryshme, shpopullimi masiv, varfëria, korrupsioni i institucioneve shtetërore, i qeveritarëve të Edi Ramës, ka edhe arsye të tjera që kanë të bëjnë me skandalin e fundit, komprometimi i një zyrtari të lartë amerikan dhe linçimi për opozitën me tituj si ‘non grata’ ose akuza të manipuluara. Është edhe rendi e siguria publike i munguar për shqiptarët, rasti i fundit i incidentit të madh me vrasjen e 3 grave dhe mungesa totale e shtetit apo lirimi i një krimineli tregon se shqiptarët jetojnë të pasigurt në vendin e tyre”, tha Hoxha.

Po ashtu rreth 1000 protestues nga qarku i Beratit janë nisur drejt protestës së opozitës në Tiranë.  

Lajmi kryesor:

Fati i PD në gjyq, Berisha-Meta në protestë: Rama kërkon të na marrë vulën, revolucioni vazhdon! Vetëm 60 minuta tubim, pak protestues

TAG:
• 3 marsi i pd
• sali berisha
• enkelejd alibeaj
• Lufta brenda PD