Protesta kundër rritjes së çmimit, 10 protestues në hetim, 1 i arrestuar në Lezhë

10 protestues janë vënë në hetim në Lezhë dhe 1 tjetër është arrestuar. Policia e Lezhës njofton se këta protestues janë bllokuar rrugën dhe janë kundërshtuar efektivët e policisë.

“Bllokuan rrugën duke mos lejuar kalimin e automjeteve në të dy senset e lëvizjes në rrugën Lezhë-Shkodër,  arrestohet  në flagrancë 1 shtetas, si dhe procedohen penalisht 10 të tjerë. Specialistët për Hetimin e Krimeve në Komisariatin e Policisë Lezhë arrestuan në flagrancë për veprat  penale "Organizimi dhe pjesëmarrja në protestë të paligjshme ", “Pengimi i qarkullimit të mjeteve të transportit”dhe "Kundërshtimi i punonjësit të Policisë shtetasin Gj.Gj., banues në Lezhë, si dhe proceduan penalisht shtetasit E.L., K.Sh., K.Ll., F.Ll., E.Ll., A.N., L.N.,L.Gj.,G.K.,dhe  D.F., pasi në vendin e quajtur "Rrethrrotullimi i Shëngjinit" kanë bërë bllokimin e aksit rrugor Lezhë-Shkodër duke mos lejuar qarkullimin e mjeteve nga të dy senset e lëvizjes”, njofton Policia.

LEXO EDHE:
Kryeministri gjeorgjian mbron projektligjin për “agjentët e huaj”

Lajmi kryesor:

Protesta kundër rritjes së çmimeve/ 84 protestues nën hetim, mes tyre dhe deputeti Edmond Spaho! 6 të arrestuar dhe 1 në kërkim

B.K./Shqiptarja.com

TAG:
• rritja e cmimit të naftës
• rritja e cmimeve
• Protesta