FIER- Banorët e fshatit Havaleas të komunës Dermenas kanë bllokuar ditën e sotme punimet për ndërtimin e by-passit Fier-Levan. Motivi ka qenë toka.
 
Bonorët e fshatit Havaleas kanë kërkuar zbatimin e përpiktë të projektit të rrugës pasi, sipas tyre, firma ndërtuese ka marrë më shumë tokë nga ajo që i takonte. Gjithashtu banorët janë shprehur të pa kënaqur dhe kanë kërkuar dhe një rritje të çmimit për metër katror të tokës.
 
Gjatë protestës dhe bllokimit të punimeve të rrugës, banorët kanë kërkuar dhe ndërhyrjen e qeverisë dhe Ministrisë së Transportit dhe Infrastrukturës për të zgjidhur këtë konflikt.