Protestat kundër qeverisë sot arritën në ditën e 53-të, me qytetarë që si zakonisht u mblodhën fillimisht te sheshi "Skënderbej", dhe më pas marshuan drejt Kryeministrisë.

Në fjalimet e tyre, qytetarët vijojnë të kërkojnë dorëheqjen e kryeministrit Edi Rama.

“Hetoni Ramën, zbatoni ligjin”, tha një protestues duke iu drejtuar institucioneve të drejtësisë.

Disa të rinj me maska me fytyrat e prej disa politikanëve të PS dhe PD kanë improvizuar një lojë bixhozi duke ndarë hartën e Shqipërisë, duke iu referuar propozimit të mazhorancës për reformën territoriale.

Pas 'lojës' ata ia kanë marrë edhe valles, ku e kryeson ai që mban maskën me fytyrën e Berishës.

Ndërkohë një pjesë tjetër kanë shkruar me gëlqere në rrugën e bulevardit 'Jo ligje pa ne, per ne'.

Pas mbylljes së fjalimeve protestuesit bënë edhe marshimin në rrugët e Tiranës ashtu edhe siç bëjnë çdo natë.

Rendit zhvillimet sipas orarit:
Ora 21:15
Protestuesit ia marrin valles para Kryeministrisë nën ritmet 'Vallja e Hajdutëve', e kryeson 'Berisha' (VIDEO)

 

Disa protestues që mbajnë maska me fytyrat e disa politikanëve ia kanë marrë valles para Kryeministrisë.

Siç shihet edhe në pamjet e siguruara vallen kryeson qytetari me maskën e Sali Berishës, më pas vjen 'Rama' dhe 'Braçe'.

Xh.K/Shqiptarja.com

Xh.K/E.H/Shqiptarja.com
Sa e vlerësoni këtë artikull?
★ ★ ★ ★ ★
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 24 Gusht, 21:21

    Si ju duket plani i qeverisjes i paraqitur në Pogradec nga Rama?

Lajme të tjera