Kryedemokrati Sali Berisha, mos pjesëmarrjen e tij në protestën ‘Liri për Çlirimatët’ e ka argumentuar duke thënë se në atë protestë i pranishëm do të ishte Edi Rama dhe mbi të gjitha, ai kishte planifikuar për të mbajtur një fjalim mbi 1 orë përpara turmës.

Theksojmë që ditën e djeshme Rama tha se nuk do të merrte pjesë, vetëm që portesta të mos politizohej.

Ndër të tjera, Berisha e ka akuzuar si bashkëpunëtor të serbëve dhe se ka kontribuar në ndryshimin e kufijve shqiptare nëpërmjet takimeve të fshehta.

“Përdorimi për qëllime politike i procesit është një makabritet. Edi Rama u tërhoq, por unë kam këtu dëshmitë që ai ishte parashikuar të fliste mbi 1 orë.

E kuptoni ju? Do bëhej patriot njeriu që me aktet e tij është ndaj Kosovës po aq armik sa Aleksandër Vuçiçi. Po, unë u them ju, 36 marrëveshje ishin firmosur gjer në fund të vitit 2013.

Edi Rama mori përsipër projektet e Beogradit për ndarjen e Kosovës dhe ndryshimin e kufijve me një seri takimesh të fshehta. Edi Rama është në histori i pari që paditi kryeministrin në detyrë të Kosovës se mbronte interesat e qytetarëve të tij.

Edi Rama, bashkë me Vuçiçin, i cili nuk e fshihte se Serbia do bëhej më e madhe me ato që do merrte në Kosovë, punoi me të gjitha forcat për ndarjen dhe shpërbërjen e pavarësisë së Kosovës”, tha Berisha.


Lajmi kryesor:

Mandati i Bejtjas përfundon këtë vit/ Berisha sulmon Kushtetuesen: Dje shkelmoi ligjin e saj! Begaj të largohet nga posti