Nxënësit kërkojnë rikthimin e drejtoreshës në shkollën 'Ndoc Mazi', drejtoresha rajonale e Arsimit: Ka probleme ligjore, shkarkimi s’ka lidhje me politikën

Drejtoresha e zyrës së arsimit Shkodër Sindis Sulja ka folur para mediave për protestën e nxënësve dhe mësuesve të shkollës 'Ndoc Mazi' pasi kërkojnë rikthimin e drejtoreshës Valbona Idrizi. Sulja sqaroi se drejtoresha ka probleme ligjore hodhi poshtë të gjitha spekulimet se largimi i Idrizit është politik ndërsa bëri me dije se ka takuar të gjithë prindërit që janë bashkuar në protestë.

"Ne kemi bërë një procedurë nga DAP Lezhë për të gjithë drejtuesit e institucioneve arsimore, të cilët nuk plotësojnë kriteret ligjore, është bërë shpallje e vendit të lirë vakant. Kaq mund të them për momentin, unë kam takuar të gjithë prindërit e nxënësve të shkollës dhe i kam sqaruar se është ndjekur një procedurë e rregullt ligjore.

LEXO EDHE:
Me 3 armë në banesë, arrestohet 46-vjeçari në Shkodër! Pistoleta mbi shapkë, momenti kur policia i 'bastis' shtëpinë

As ne nuk mund të lejojmë që një drejtore të jetë gabim nga ana ligjore, por gjithsesi ne e kemi shqyrtuar totalisht procedurën e drejtorave të institucioneve arsimore. Kjo është praktikë që Po ndiqet një praktikë e tillë për drejtuesit që nuk plotësojnë kriteret në shkolla. Janë rreth 14 shkolla me grafik të ndarë. Ne nuk mund të përziejmë anën profesionale me atë politike", tha Sulja.

Lajmi kryesor:

Shkodër/ Nxënësit dhe mësuesit bojkotuan mësimin: Riktheni drejtoreshën e shkollës 'Ndoc Mazi', u largua për arsye politike! Drejtoresha rajonale e Arsimit: Ka probleme ligjore

A.M./Shqiptarja.com

TAG:
• proteste
• Shkoder
• Valbona Idrizi