TIRANE- Banorët e Unazës së Re që janë kundër projektit për ndërtimin e Unazës së Madhe që prish banesat e tyre, bllokuan sërish në mesditë rrugën, duke penguar kalimin e automjeteve në njërin sens. Në mbështetje të tyre janë edhe deputetët e PD-së. Bllokimi i rrugës ndëpreu aksionin e IKMT-së, e cila e mbështetur nga policia bashkiake dhe e rendit, vijoi mëngjesin e sotëm shembjen e banesave që preken nga projekti i Unazës së Re dhe heqjen e shtyllave të ndriçimit. Mbrëmë u shembën dy banesa, ndërsa sot dy të tjera në aksin kryesor të këtij segmenti në afërsi të sheshit “Shqiponja”, ndërkohë që në momentin që IKMT nisi heqjen e shtyllave, situata mes banorëve dhe policisë bashkiake u tensionua.
Policia e rendit tentoi që të shoqëronte njërin nga banorët, por u ndalua nga protestuesit. Punonjësit e IKMT pas heqjes së dy shtyllave u larguan bashkë me mjetet për rreth një orë, por më pas u rikthyen sërish, ndërsa ekspertët e ARRSH vijojnë vlerësimin e banesave që preken nga projekti. Disa nga banorët vijojnë kundërshtimin e projektit, të tjerët kanë pranuar bonusin e qirasë, ndërsa disa familje mbrëmjen e djeshme dhe sot pranuan që të zhvendosen te banesat sociale duke i hapur rrugë shembjes së banesave të para (lexo këtu).
Autoriteti Rrugor Shqiptar vazhdoi edhe gjatë ditës së sotme procesin e vlerësimit të banesave në kuadër të projektit për rehabilitimin e Unazës së Madhe të Tiranës, segmenti nga Pallati me Shigjeta tek Sheshi Shqiponja. Inxhinierët e ARRSH ishin të pranishëm në objektet pronarët e të cilëve kanë depozituar dosjet pranë këtij institucioni dhe kanë kërkuar tu nënshtrohen vlerësimeve dhe procesit të shpronësimit.
Sot u bë e mundur që në të tre lotet të kryhet verifikimi i 18 objekteve. Duke llogaritur dhe objektet e verifikuara ditën e djeshme, ARRSH konstaton se janë vlerësuar 58% e totalit të atyre që deri më tani kanë dorëzuar dokumentat në ARRSH. Ndërkaq, njofton ARRSH, do të vazhdojë ky proces verifikimi për të gjithë banorët që depozitojnë dosjet.
"Gjejmë rastin edhe njëherë tu bëjmë thirrje edhe banorëve të tjerë që disponojnë dokumente pronësie ti depozitojnë ato pranë zyrave përkatëse në Autoritetin Rrugor në mënyrë që të vazhdohet pa vonesa me vlerësimin, evidentimin, bërjen gati të Vendimit të Këshillit të Ministrave për procedurën e shpronësimit të tyre", thuhet në njoftimin e ARRSH-së.
Prej më shumë se një ore banorët e Unazës së Re vijojnë që të mbajnë të bllokuar njërin sens të Unazës së Re duke mos lejuar qarkullimin e mjeteve. Report Tv sjell protestën e banorëve të Unazës së Re në foto.
Banorët e Unazës së Re kanë bllokuar sërish njerin sens te rrugës duke mos lejuar qarkullimin e automjeteve. Në protestë me banorët ndodhen edhe deputetët e Partisë Demokratike dhe LSI-së. Rezistenca vijon vetëm nga një pjesë e banorëve, pasi pjesa tjetër që ka ndërtimet pa leje vijon zhvendosjen për në banesat sociale në Shkozë.
Pas largimit për rreth një orë, punonjësit e IKMT bashkë me mjetet janë rikthyer te Unaza e Re, ndërsa banorët vijojnë që të qëndrojnë në krah të rrugës për t’ i bllokuar. Ndërkohë që deputeti i PD, Edi Paloka akuzoi se banorët janë kërcënuar gjatë natës.
“Banorët më denoncuan një fakt tjetër, natën vijnë kriminelë ordinerë që kërcënojnë banorët. Vijnë me makina me xhama të zinj. Janë kriminelë ordinerë, me siguri janë pjesë e atyre që do të marrin leje për pallate. Rama dhe Veliaj janë gati që të bëjnë gjithçka. Në asnjë mënyrë Rama nuk ka për t’ i nxjerrë nga banesat” tha Paloka.
Kryeministri Edi Rama ka reaguar pas vendimit të familjeve të para që preken nga projekti i Unazës së Re për t’u strehuar te banesat sociale. Shefi i qeverisë përgëzon familjet që sipas tij u ndanë nga lukunia e SHQUP-it për të marrë atë që u takon sipas ligjit.
“Përgëzime familjeve të Unazës së Re që po ndahen nga lukunia e Shqupit dhe po përfitojnë sipas ligjit,banesën sociale, bonusin e qerasë trevjeçare apo lekët e shpronësimit për interes publik. Hesapet e Lul Kadriut s'kanë lidhje me interesat e tyre, të Tiranës e Shqipërisë që duam” thotë kryeministri në një status në rrjetet sociale.
Ka vijuar edhe sot ne mëngjes aksioni i Inspektoratit të Mbrojtjes së Territorit dhe Bashkisë se Tiranës për prishjen e ndërtimeve që preken nga projekti i zgjerimit të Unazës së Madhe, në segmentin nga mbikalimi te Pallati me Shigjeta deri te Dogana. Pas shembjes mbrëmjen e djeshme të dy shtëpive të para, mjetet e IMT-së dhe Bashkisë se Tiranës nisen punën qe ne oret e para te mengjesit për shembjen e dy objekteve të tjera.
Bëhet fjalë për dy ndërtime që janë në aksin kryesor të këtij segmenti, në afërsi të sheshit “Shqiponja”. Ashtu si edhe dy familjet e para, edhe familjet që zotëronin ndërtimet që u prishën sot janë sistemuar në banesat sociale, te mobiluara, komode dhe me te gjitha kushtet e nevojshme.
Pas rreth 30 minutash bllokim të rrugës, qarkullimi është zhbllokuar pas ndërhyrjes së deputetëve të PD. Ndërkohë që edhe disa nga mjetet e IKMT që nisën heqjen e shtyllave të ndriçimit janë larguar nga zona e Unazës së Re pas kundërshtimit të banorëve.
Grupet e inxhinierëve të ARRSH po vazhdojnë normalisht procesin e vlerësimit dhe matjeve të objekteve, pronarët e të cilëve kanë depozituar dosjet pranë këtij institucioni në funksion të procedurës së shpronësimit. Dje u vlerësuan 17 banesa nga ARRSH mes sherrit dhe tensioneve, ndërsa puna vijon edhe sot.
Policia bashkiake e mbështetur nga e rendit vijon heqjen e shtyllave të ndriçimit të Unaza e Re, ndërsa banorët kanë bllokuar qarkullimin e makinave.
Pavarësisht kundërshtimit të banorëve të zonës së Unazës së Re policia bashkiake e mbështetur edhe nga ajo e rendit ka nisur heqjen e shtyllave të ndriçimit.
Policia ka tentuar të shoqërojë njërin nga protestuesit te Unaza e Re, ndërsa banorët u përplasën me efektivët, të cilët më pas e liruan. Policia bashkiake nisi heqjen e shtyllave të ndriçimit, por banoret nuk i lejuan.
Familjet e para të cilat preken nga gjurma e Unazës së Re kanë filluar që të futen në banesat sociale në zonën e Shkozës. Kryetari i Bashkisë Erion Veliaj ka publikuar mëngjesin e sotëm fotot nga familjet e para të cilat janë transportuar me automjetet e shërbimit social të Bashkisë së Tiranës në apartamentet që janë mobiluar me të gjitha orenditë dhe me të gjitha pajisjet elektro-shtëpiake.
“Një fillim i ri për të gjithë! Familjet e para që preken nga projekti i Unazës lanë banesat primitive pa leje mbi kolektorë në gjurmë të rrugës, për një fillim të ri me banesa dinjitoze sociale. Koha që njerëzit të bëjnë llogarite e tyre, jo të SHQUP-it që i ka mish për top” thotë Veliaj.
Banorët e zonës së ‘Astirit’ shprehen të vendosur për të mos lejuar policinë bashkiake për të hequr shtyllat e ndriçimit në Unazën e Re, që do i hapnin rrugë projektit për fillimin e punimeve. “Ne nuk kemi shqiptarë në krye të shtetit por kriminelë, jemi në dite festash, por në Unazë të Re nuk ka asnjë flamur, kjo është e turpshme. Atje u valëvit flamuri grek, këtu nuk ka flamuj, por po na heqin edhe dritat” theksojnë banorët.
Banorët e Unazës së Re pas momenteve të tensionit me policinë bashkiake janë shprehur se banesat e tyre do ti mbrojnë me gjak, ndërsa paralajmëruan kryeministrin ‘këtu është fundi i tij, të ndalet, pasi ne nuk tërhiqemi’ deklaruan ata.
Komente
Lajme të tjera
-
Protesta e Astirit/ Balliu pranë Gjykatës së Tiranës: Të bashkohen çështjet në një të vetme, qytetarët po arrestohen nga dëshmitë e efektivëve
21 Dhjetor 2020, 12:44 -
Shtyhet seanca për çështjen e 'Unazës së Re'/ Balliu: Unë s'rri t'i bie samarit, por gomarit dhe ai është Rama! Ka bërë koalicion me COVID-in, e ka vendin te '313'
4 Nëntor 2020, 12:00 -
Banorët e Unazës së Re ndjesë Klevis Balliut: Të kishin zili, Basha të të fusë në listë për deputet
8 Tetor 2020, 10:54 -
Veliaj sfidon Bashën: Pse s’më hedh në gjyq kur them se e le protestën në Astir për makinën 130 mijë euro?
4 Tetor 2020, 19:28 -
Ofendoi policët, shoqërohet në polici 'protagonisti' i protestës së 'Astirit': Nuk trembemi, bëhemi më të fortë
3 Tetor 2020, 20:55 -
Veliaj tjetër akuzë Bashës: Premtove harakiri te Unaza, pse e le protestën? A more një makinë 130 mijë euro nga një nga kontraktorët? (VIDEO)
2 Tetor 2020, 18:51 -
Veliaj akuza të rënda Bashës: Mbylle protestën e rrugës së Kombit dhe Astirit në këmbim të 4 vilave, u pasurove bashkë me kunatin
1 Tetor 2020, 22:03 -
Dosja/ Prokurori Petrit Hysa dy akuza Klevis Balliut, ja dëshmitarët kundër ish-deputetit të PD për bllokimin e rrugëve
18 Prill 2020, 14:37
-
Gjykata Penale e Tiranës kalon dosjen për gjykim/ Balliu dhe 12 banorë të Astirit merren të pandehur (VIDEO)
2 Mars 2020, 13:27 -
PD: Ja foto se si u shpëtua nga shembja shtëpia e prokurores në Astir, 'shpërbleu' Veliajn duke e 'falur' për pishat
19 Shkurt 2020, 11:15 -
Sinjalizime për aksion nga IKMT-ja, Balliu te 'Astiri': I siguroj banorët që PD-ja nuk tërhiqet
17 Shkurt 2020, 08:19
Eshte e turpshme qe policia e shtetit lejon serish bllokimin e rruges. Asnje qytetar i tiranes nuk i ka borxh ketyre zaptuesve te rrije dy ore i bllokuar. 50 vete ishin maksimumi se aty kalova nga krahu i lire. Mblidhini tufe dhe izolojini ne ndonje kamp refugjatesh. Kush ka hipotek demshperblim 100%, te tjeret dhe bonusin e qerase e kane shume.
PërgjigjuJu puthsha këmbët e duart! Pastaj futjuni Sarandës dhe hidheni të gjithën në tokë të pastrohet vendi nga rënkimi i shëmtuar i beton shëmtirës që katnaria dhunoi e masakraoi atë qytet. Mir thotë Fredi, nxirni ushtrinë të rehabilotojë vendin nga Konispoli në Vermosh duke shkatërruar gjith shemtirllekun. Fshatarët të detyrohen të kthehen ne vrimat e tyre andej nga erdhën, dhe RESTART ndërtimi dinamik në të gjithë Shqipërinë për një urbanistikë futuriste harmonikisht dhe estetikisht të shendetshme!
PërgjigjuBllokohet njeri sens i rruges? Sens i bie te jete drejtim? Dmth bllokohet njeri drejtim/kalim i rruges? Ku i gjeni keto fjale?
Përgjigjuna myten zaptuesit qe jane mesuar vetem te marrim ku te mundet .
PërgjigjuPër bythe zaptuesit, por kjo të bëhet edhe në rang republike nga Konispoli në Vermosh. Me juntë ushtarake të “pastrohet” Shqipëria !
PërgjigjuPp banoret spo e kuptojne qe i ka ardh fundi ketij mhb ? Unaza do te ndertohet ne vend qe te levizin sa me shpejt qe te perfitojn kush banesen sociale e kush shperblimin po harxhojne koh kot aty .
PërgjigjuDuhet te marre fund kjo histori kjo penges e 20 vetave qe sdin cbenin kur zaptuan e spo kuptojn cpo bejne tani qe duhet ndertuar . Largojini keta te marre!
PërgjigjuAty eshte fillimi i nje kapitulli te ri per historine e shqipersise , aty eshte nje projekt per 30vitet te tjera te ardhshme qe ndryshon faqen e shqiperis , policia te bej detyren e mos ti lej me zaptuset te mbjellin dhune
Përgjigju