Pas më shumë se 7 orësh konfrontimesh fizike me policinë ndaj të cilëve u godit edhe me sende të forta duke lënë të plagosur 3 efektivë, shumica e banorëve te "Bregu i Lumit" kanë nisur të lënë shtëpitë e tyre. Nga përplasjet mbetën të lënduar edhe 4 banorë, të cilët bashkë me efktivët morën mjekim në spitalin e Traumës. Ndërkohë, sot kreu i Bashkisë, Erion Veliaj, ka qetësuar banorët, duke i lajmëruar se do të marrin banesa sociale dhe bonus qiraje.
Aktualisht, në zonë ndodhen vetëm fadromat, të cilat po shembin shtëpitë e mbetura, dhe punonjësit e Bashkisë, që po punojnë për pastrimin e zonës. Shembja e shtëpive nisi në orën 06:00 të mëngjesit të së martës, në kuadër të zgjatimit të Bulevardit të Ri të Tiranës.
Ashtu si kurse edhe ditën e djeshme, banorët i pritën uniformat blu me gurë dhe shkopinj në duar. Pas disa përplasjeve me efektivët, situata u neutralizua vetëm pasi policia ka përdorur gazlotsjellës. Gazetarja e Report Tv, Klesiana Omeri raportoi se disa nga banorët që sulmuan policinë janë shoqëruar në Komisariat.
Në mbështetje të banorëve, kanë qenë të pranishëm edhe ish- deputetë të Partisë Demokratike, Jorida Tabaku, Klevis Balliu, Aldo Bumçi si dhe ish- deputeti i LSI-së, Endrit Braimllari, por policia nuk i ka lejuar të afrohen tek banesat. Këta të fundit, e kanë cilësuar si të paprecedentë atë që ka ndodhur te Bregu i Lumit.
Ndërkaq, e distancuar nga ish- kolegët e partisë së saj, ka vizituar banorët e Bregut të Lumit edhe deputetja Rudina Hajdari. Në një bashkëbisedim me qytetarët, ajo është shprehur se nuk duhet të ndalen, por ta dërgojnë çështjen deri në gjykatën e Strasburgut.
Ditën e djeshme me gurë dhe shkopinj në duar, qytetarët nuk lejuan fadromat që të nisin punën, pasi sipas tyre nuk kanë marrë ende kompensimin. Në mbrëmje, dy vëllezër, Bujar dhe Idajet Durullari, u shoqëruan nga policia për shkak të rezistencës dhe akteve që bënë tëk Bregu i Lumit.
'Në Tiranë nuk do të lejojmë ‘Astirizimin’ e shoqërisë: kap një deputet budalla, gjej dhe nja dy media të politizuara, dhe mbaj gjithë shoqërinë peng'. Kështu u shpreh kryetari i Bashkisë së Tiranës Erion Veliaj, me vendosmëri që të çojë deri në fund projektet siç është Bulevardi i Ri, që ndodhet në fazën e fundit të ndërtimit.
Veliaj tha se kështu do të vazhdohet çdo ditë dhe se 99% e këtij qyteti do të ecë përpara, do që gjërat të bëhen me drejtësi dhe që taksat të përdoren me kujdes. “Sot ka nisur lirimi i brezit të parë të shtëpive. Do të vazhdojmë kështu çdo ditë. Në Tiranë nuk do të lejojmë ‘Astirizimin’ e shoqërisë: kap një deputet budalla, gjej dhe nja dy media të politizuara, dhe mbaj gjithë shoqërinë peng.
99.99% e këtij qyteti do të ecë përpara, do që gjërat të bëhen me drejtësi dhe që taksat të përdoren me kujdes”, deklaroi Veliaj i cili ndodhej bashkë me ministren Manastirliu ku inspektuan punimet punimet e deritanishme në shkollën e muzikës “Servete Maçi”.
Kryetari i Bashkisë së Tiranës, Erion Veliaj u shpreh i vendosur që të çojë deri në fund projektet madhore, siç është edhe rasti i Bulevardit të Ri, i cili është tashmë në fazën e fundit të ndërtimit të tij. “Pyetja është: i vajte ti lumit, apo erdhi lumi te ty? I vajte ti lumit! Ajo që kemi propozuar është: Kush ka ndërtuar në shtrat të lumit, aty ku përfundon bulevardi, do marrë banesë sociale. Pra, banesë për banesë. Janë shumë herë më të mira se ato që i merr lumi. Ama, t’u marrësh lekët e shkollave taksapaguesëve sepse ke ndërtuar pa leje në breg të lumit, nuk shkon. Edhe Sali Berisha që e shkatërroi këtë shtet, edhe ai nuk i përfshiu në VKM, që s’e kishte problem fare ta shkatërronte edhe më shumë. Por, kur edhe ai pati një limit të çmendurisë së vet, do të thotë që ne të tjerët duhet ta kemi patjetër një limit. Shtëpi për shtëpi, asnjë njeri jashtë, asnjë njeri i pastrehë”, sqaroi Veliaj.
Ai u shpreh se qyteti nuk mund të mbetet peng e karshillikut dhe interesave politike të një grupi të caktuar, pasi shumica e qytetarëve kanë votuar që transformimi i qytetit të ecë përpara. “Ne e kishim një qytet ku s’bëhej asnjë punë, por votuam për një qytet që të bënte gjëra. Ndaj, si një qytet që bën gjëra, do vazhdojmë të bëjmë gjëra: do vazhdojmë të bëjmë shkolla, do vazhdojë unaza te Astiri, do vazhdojë Bulevardi i Ri, se në fund të ditës shumica ka vendosur që qyteti të ecë përpara. Kush mendon se ka nevojë për ndihmë ekonomike, për banesa sociale, për bonus qiraje, për kredi të butë, do t’i marrë, por jo te Bregu i Lumit. Ajo është një hapësirë që duhet ta shijojmë dhe duhet ta shfrytëzojmë të gjithë. Oferta është aty prej 5 muajsh për banesat sociale, është kjo e vetmja mënyrë sesi mund të ndihmojmë hallexhinjtë, por pa i kthyer në hallexhinj 1 milion të tjerë që duan zgjidhje nga qyteti i Tiranës”, tha Veliaj.
Përplasja mes policisë dhe banorëve te Bregu i Lumit ka përfunduar. Banorët kanë nisur që të mbledhin sendet me vlerë dhe të largohen nga banesat e tyre. Në zonë, aktualisht ndodhen vetëm punonjësit e Bashkisë, të cilët po largojnë mbetjet nga shtëpitë e shembura. Efektivët e policisë janë larguar, e ndërsa fadromat po vazhdojnë punën në shembjen e shtëpive të mbetura.
Deputetja demokrate Rudina Hajdari ishte në zonën e Bregut të Lumit në banesat të cilat po shemben për t'i hapur rrugë ndërtimit të Bulevardit të Ri. Ajo u takua mebanorët e Bregut të Lumit, banesat e të cilave janë prishur pasi preken nga projekti për zgjatimin e Bulevardit të Ri.
Gjatë takimit që pati me ta Hajdari tha se kjo çështje duhet të çohet deri në Gjykatën e Strasburgut.
“Ju nuk keni faj. Ne duhet të gjejmë një mënyrë që këtë çështje ta çojmë deri në Gjykatën e Strasburgut. Do ta çojmë në Gjykatën e Tiranës, Gjykatën e Apelit dhe jam e sigurt që do fitoni.
Unë e di që ju nuk keni forcë tani, por duhet pak gjakftohtësitë, që kjo mos i ndodhë më familjeve të tjera.
Kjo nuk është hera e parë që policia shemb banesat në këtë mënyrë barbare. Duhet të gjejmë mënyrën për ta zgjidhur.”
.jpg)
.jpg)
Shembja e shtëpive në kuadër të Bulevardit të Ri ishte parashikuar që të ndodhte ditën e djeshme, por për shkak të kundërshtimit me forcë nga ana e banorëve, fadroma u largua.
Edhe ditën e sotme, uniformat blu hasën sërish kundërshtimin e banorëve të cilët refuzonin që të linin shtëpitë e tyre. Por pas disa përplasjeve me efektivët, situata është neutralizuar vetëm pasi policia ka përdorur gazlotsjellës.
Ndërkohë më herët, PD ka pasur një reagim lidhur me përdorimin e gazit lotsjellës në protestë, duke e cilësuar si një rast të paprecedentë.
Si pasojë e konfrontimeve te zona e Bregut të Lumit, kanë mbetur të lënduar disa protestues dhe efektivë të policisë. Gazetarja Klesiana Omeri ka mësuar identitetin e personave të lënduar, të cilët aktualisht ndodhet në urgjencën e spitalit të Traumës.
Lista
Policë
Gerald Shabani- goditje në kokë
Bledar Deliu- goditje në parakrah
Arben Canaku- goditje në dorë
Protestuesit
Hazur Manderi- shembje në kokë
Flora- Mandri- shembje në gju
Xhabir Mandri dhe Destan Muca dëmtime të lehta
Partia Demokratike ka akuzuar policinë se ka përdorur gaz lotsjellës për të larguar banorët nga shtëpitë e tyre. Nëpërmjet një videoje publikuar në rrjetet sociale, teksa shihet një shtëllungë e madhe tymi, PD, shkruan: Video e përdorimit të gazit lotsjellës ndaj banorëve të Bulevardit, sot në orën 6 të mëngjesit.
Ndërkohë, kështu është shprehur edhe një prej banorëve e cila ndodhet në spitalin e Traumës. Në një bashkëbisedim me ish- deputetin e Partisë Demokratike, Klevis Balliu, Flora shprehet se është dëbuar me dhunë nga policia dhe se ndaj banorëve është hedhur gaz lotsjellës.
"Flora, e dëbuar me dhunë nga policia, denoncon nxjerrjen jashtë shtëpisë me gaz lotsjellës. Ajo është e shtruar ne spitalin ushatarak me disa fraktura në trup dhe në këmbë", shkruan PD.
Protestës së banorëve në Zonën e Bregut të Lumit iu është bashkuar edhe sekretari i Përgjithshëm i LSI-së, Endrit Braimllari. Ai ka drejtuar sërish gishtin nga kryeministri Edi Rama, sipas së cilit po dhunon gratë dhe fëmijët për aferat e tij korruptuese. Gjithashtu, ai ka deklaruar se në protestë është hedhur gaz helmues.
"Edi Rama dhunoi gratë dhe fëmijët për aferat e tij korruptive. Ka shoqëruar gra dhe fëmijë të moshuar në furgona policie. Gaz helmues si në aksione ushtarake kundra qytetarëve të tij. Terror dhe dhunë te Bulevardi i Ri", u shpreh Braimllari.
Ish- deputetja e Partisë Demokratike, Jorida Tabaku e ka cilësuar të paprecedentë atë që ka ndodhur në zonën e Bregut të Lumit. Ajo tha se, tashmë banorët nuk mund të bëjnë asgjë më shumë, e ndërsa i bëri thirrje avokatit të popullit të dëgjojë këta banorë.
" Në zonët e para jemi lidhur me banorët. Tani nuk përgjigjen në telefon, një pjesë janë në spitalin e Traumës, po operohen, disa janë në Komisariat. Nuk mund të bëjnë dot më shumë, sepse nuk mund t'i luftojnë uniformat blu. Sot i kanë kapur pa përgatitur dhe i kanë shoqëruar. Është e pa precedentë", është shprehur Tabaku.
6 banorë të Bregut të Lumit janë ndaluar nga Policia pasi kundërshtuan me forcë uniformat blu. Siç raporton nga terreni, gazetarja Klesiana Omeri, ato ndodhen në komisariatin numër 4. Ndërkohë, si pasojë e konfrontimeve, 3 qytetarë kanë marrë lëndime në trup dhe janë dërguar në spitalin e Traumës.
Ka nisur shembja e shtëpive në zonën e Bregut të Lumit. Policia ka larguar nga banesat e tyre të gjithë qytetarët, duke lejuar kështu fadromat që të nisin punën. Gjithashtu, uniformat blu kanë larguar nga zona edhe ish- deputetët e Partisë Demokratike, Jorida Tabaku, Klevis Balliu dhe Aldo Bumçi, të cilët u ishin bashkuar banorëve që në nisjen e protestës së ditës së sotme.
Ish-deputetët e Partisë Demokratike nuk janë lejuar nga policia t'i afrohen banesave tek Bregu i Lumit, teksa ka nisur shembja e tyre në kuadër të projektit të zgjatimit të Bulevardit të Ri.
Komente
Lajme të tjera
-
KKT, kalojnë disa ndërtime në Vlorë dhe te Bulevardi i Ri
30 Dhjetor 2022, 19:59 -
Nis puna për segmentin e ri rrugor nga Sheshi Shqiponja te Bulevardi i Ri, Rama: Projekti i Unazës së Madhe po ecën sipas planit
30 Gusht 2022, 13:41 -
Nën shoqërinë e këngës ‘sot është një ditë e adhurueshme’, Rama uron javë të mbarë me videon nga ‘Bulevardi i Ri’
17 Maj 2021, 08:27 -
Video nga demokratët e zhgënjyer/ Nga TRAM, Bulevardi i ri, çadra, Astiri: Lulzim Basha nuk di të mbajë premtime, asgjë se çon në fund
16 Janar 2021, 13:32 -
Sarandë/ Protestë paqësore për hapjen e bulevardit, qytetarët: Bllokimi është goditje për biznesin
1 Qershor 2020, 11:43 -
Bulevardi i Ri pushtohet nga qytetarët, shëtitje në grupe pa asnjë masë mbrojtëse (VIDEO)
12 Maj 2020, 20:28
Nese eshte percaktuar kompesimi duhet paguar pastaj tu shembet shtepia. Nese kane ndertuar pa leje atehere jepuni drejtim dhe lereni Tabakun te qete se do i ike qumeshti gjirit nga dhimbja. Po ketyre te Astirit perse nuk ju hidhni gaz lotsjellses apo ne bllokohemi ne trafik jo qeveria. Mos veproni me dy standarte, francezet e Astirit e meritonin me heret gazin lotsjelles.
PërgjigjuGame over njerez, mjaft më me paligjshmeri. Vertete jeni ne dite te keqija, sepse nuk eshte e lehte te humbesh strehen, por ky ishte rreziku i investimit qe keni ndermarre kur i keni ngritur ato shtepi pa leje. Uroj te gjeni perkrahjen e duhur sociale nga bashkia per te kaluar kete periudhe te veshtire.
PërgjigjuIk moj Tabake osmane se partia jote beri masakra mjedisore të papara nga Konispoli në Vermosh duke lejuar bagtinë të ndërtojë ku të mundi e si të mundi. Nuk ta vret syrin ty moj fundrrin ndërtimet shëmtira të neandërtalëve? Dhe e dyta, mëso shqip o injorante..thuhet këta banorë dhe jo kto banorë. Yyyyyyyt fundrrin!
Përgjigju1 2 3 prova
PërgjigjuVazhdojeni deri ne Fushe Kruje jeni qe jeni. Ta morin vesh ca osht shteti
PërgjigjuFutni ne burge ato plehra,jepuni dhe ndonje shqelem gjate arrestimit atyre mutrave,atyre qe jane kundr zhvvillimit atyre qe jane kundra kombit
PërgjigjuNese kane te drejten e kompensimit, duhet ta marrin paraprakisht, pastaj te fillojne punimet. Por jane mesuar qeverite tona, i prishin shtepite dhe i japin demshperblimet me keste per nja 10 vjet.
Përgjigjuku e cani by...n ju per popullin. doni pushtet
Përgjigjukeshtu vazhdoni dhe tek Astiri dhe mos u trembni nga shpellaret e unazes, futjani koken tek zinxhiri i tankut ketij Klevis kericit te Faros se ky shkerdhate antikap. pis eshte i kudondodhur ne bllokime rrugesh,,,
PërgjigjuKapeni Krriçin tim e shalojeni n’hu se nuk ndjek zanatin tim prej spiuni në fshehtësi por del e llollomotit gjith ditën. Shalojeni ti vinë mendtë!
PërgjigjuAto duhet te futen ne burg te gjithe deputet ato jane arsyja qe eshte katandis populli keshtu
PërgjigjuDërgoni ushtrinë të pastrohet mutëria!
PërgjigjuPIKERISHT. Policia eshte shume e bute