POP 5

Lajmet më të lexuara të 5 minutave të fundit

Kronikë

Protestat në Tiranë/ Komisionerja e KiE: Policia të dallojë protestuesit e dhunshëm nga ata paqësorë, të respektohen të drejtat e të miturve

Komisionerja i Këshillit të Evropës për të Drejtat e Njeriut, Dunja Mijatoviç, përmes një deklarate ka reaguar ditën e sotme në lidhje me zhvillimin e protestave në Tiranë pas vrasjes së 25-vjeçarit Klodian Rasha. Ajo thekson në deklaratën e saj se Policia duhet gjithashtu të bëjë dallimin midis individëve të përfshirë në dhunë dhe atyre që demonstrojnë në mënyrë paqësore.

Protestat në Tiranë/ Komisionerja e KiE: Policia të dallojë protestuesit e dhunshëm nga ata paqësorë, të respektohen të drejtat e të miturve

Komisionerja e KiE, Dunja Mijatoviç

Komisionerja i Këshillit të Evropës për të Drejtat e Njeriut, Dunja Mijatoviç, përmes një deklarate ka reaguar ditën e sotme në lidhje me zhvillimin e protestave në Tiranë pas vrasjes së 25-vjeçarit Klodian Rasha.

Mijatoviç shprehet se autoritetet shqiptare duhet të tregojnë përmbajtje në protesta dhe të sigurojnë hetime të hollësishme, të pavarura dhe efektive për të gjitha pretendimet e përdorimit të tepruar të forcës.  Komisioneri rithekson që puna e policisë në protesta duhet të bazohet në komunikim dhe bashkëpunim me organizatorët dhe pjesëmarrësit në demonstrata dhe duhet të synojë në ndaljen e përshkallëzimit të tensioneve.

Mijatoviç, duke vënë në dukje se shumica e personave të ndaluar janë liruar, u bën thirrje autoriteteve të shpejtojnë lirimin e çdo protestuesi paqësor të mbetur që mund të jetë akoma në paraburgim.

Komisionerja i Këshillit të Evropës për të Drejtat e Njeriut, Dunja Mijatoviç thekson në deklaratën e saj se Policia duhet gjithashtu të bëjë dallimin midis individëve të përfshirë në dhunë dhe atyre që demonstrojnë në mënyrë paqësore.

"Për më tepër, çdo ndalim i fëmijëve duhet të kryhet vetëm si një masë e fundit dhe duhet të respektojë plotësisht të drejtat e tyre procedurale, duke përfshirë të drejtën për t'u pyetur vetëm në prani të një avokati ose njërit prej prindërve ose kujdestarëve të tyre", thuhet në deklaratë.

Së fundmi, Dunja Mijatoviç shprehet se shqetësuar për ndalimin dhe sulmet e pretenduara ndaj disa gazetarëve që mbulojnë demonstratat.

Deklarata e plotë në anglisht e Komisioneres për të Drejtat e Njeriut në Këshillin e Evropës, Dunja Mijatoviç

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55