Sondazhi i 'GPF' për Report Tv: Sikur zgjedhjet politike të bëheshin sot, PS fiton 54%! Qytetarët: Opozita të pranojë ofertën e Ramës për reformën elektorale

Opozita kërkon një qeveri kalimtare për të dërguar vendin në zgjedhje të parakohshme parlamentare, pasi akuzon kryeministrin Edi Rama të lidhur me krimin dhe korrupsionin. Por nëse vendi do të shkonte në zgjedhje të parakohshme dhe procesi do të zhvillohej sot, si do të votonin shqiptarët? Sondazhi i publikuar nga Report Tv tregon se Partia Socialiste do të fitonte 50-54%, madje duke pasur sërish rritje në krahasim me një muaj më parë me 1%, teksa në zgjedhjet e 2017 mori 48.3% të votave. Ndërsa PD-ja do të merrte 32-36% duke u rritur me 3% në krahasim me një muaj më parë. LSI-ja ka rënie me 2%, nga 9-11% muajin e parë në 7-9% sot. PDIU-ja do të merrte 2-4% dhe PR-ja 0-2%.

Partia Socialiste do të ruante bashkinë e Tiranës nëse zgjedhjet lokale do të zhvilloheshin sot. Sipas sondazhit, 63-67% do të votonin PS-në dhe Erion Veliajn që është konfirmuar që do të rikandidojë, ndërsa PD-në do të votonin vetëm 24-28% dhe LSI-në 6-8%. Në krahasim me sondazhin e një muaji më parë PS-ja një rënie të lehtë me 1%, dhe PD-ja rritje me 4%.

Nëse zgjedhjet lokale do të bëheshin sot, PS-ja do të merrte 38-42%, PD-ja 41-45%, LSI-ja 5-7% dhe PDIU-ja 2-4%. Në krahasim me një muaj më parë, PS-ja ka pësuar rënie, ndërsa PD-ja rritje. Aktualisht bashkia drejtohet nga Voltana Ademi e zgjedhur nga PD-ja.

Në Kukës Partia Socialiste do të fitonte zgjedhjet lokale nëse do të zhvilloheshin sot. 47-51% kanë votuar PS-në, 44-48% PD-në, që drejton aktualisht bashkinë me Bashkim Shehun. LSI-ja ka një rënie krahasim me një muaj më parë 2.5-4.5%. Për partinë Socialiste në 30 qershor do të kandidojë Safet Gjici.

Në Lezhë ku për partinë Socialiste do të kandidojë Pjerin Ndreu nëse zgjedhjet do të zhvilloheshin sot, socialistët do të merrnin 47-51%, PD-ja 36-40% dhe LSI-ja 7-9%.

Nëse zgjedhjet do të bëheshin sot në Vlorë, PS-ja do të  fitonte me 62-66%, ndërsa PD-ja 21-25%, LSI-ja 4.5-6.5% dhe PDIU-ja 3-5%. Në këtë bashki Partia Socialiste ka konfirmuar rikandidimin e Dritan Lelit. Në krahasim me nje muaj me pare, PS-ja ka nje ulje te lehte dhe PD-ja rritje.

Në Korçë PS ka konfirmuar rikandidimin e Sotiraq Filos në zgjedhjet e 30 qershorit, ndërsa nëse do të votohej sot do të merrte 57-61%, PD-ja 24-28%, LSI-ja 9-13% dhe PDIU-ja 0-2%.  Edhe në këtë bashki në krahasim me një muaj më parë, PS ka rritje.

Bashkia Gjirokastër do të votonte 46-50% Partinë Socialiste nëse zgjedhjet do të bëheshin sot, ndërsa 29-33% PD-në dhe vetëm 15-19% LSI-në. Aktualisht kjo bashki drejtohet nga Zamira Rami e zgjedhur nga radhët e LSI-së. Në krahasim me një muaj më parë PS-ja ka shënuar rritje edhe në këtë bashki.

Në Berat PS-ja do të merrte 57-61% të votave duke shënuar rritje në krahasim me një muaj më parë nese do te votohej sot, ndërsa PD-ja 22-26% dhe 10.5%-14.5%.

Në Dibër nëse do të votohej sot, 35-39% do të votonin PD-në, 27-31% PS-në, 12-16% LSI-në dhe 16.5-20.5% PDIU-në. Në krahasim me një muaj më parë, PD-ja ka rritje, ndërsa PS-ja ulje.

Nëse zgjedhjet lokale do të bëheshin sot, në Durrës 49-53% e qytetarëve do të votonin për PS-në, ndërsa 25-29% PD, 10-14% LSI-në, 4-6% PDIU-në.

Në bashkinë e Fierit, nëse sot do të zhvilloheshin zgjedhjet, kandidati i PS-së, Armando Subashi do të merrte 57-61%. Opozita nuk ka nxjerrë asnjë kandidat deri tani. Megjithatë 22-26% votojnë PD-në, 8.5%-12.5% LSI-në, 3-5% PDIU-në. Nga muaji i parë, PS-ja ka shënuar një rritje në sondazh.

Nëse zgjedhjet lokale do të zhvilloheshin sot, 46-50% do të votonin kandidatin e PS-së, 21-25% të PD-së, 10-14% të LSI-së, 12-16% të PDIU-së. Partia Socialiste ka vendosur si kandidat për Elbasanin Gledian Llatjan, ndërsa nga opozita ende nuk ka një vendim nëse do të marrë pjesë në zgjedhje. Brenda një muaji PS-ja një rritje të konsiderueshme në Elbasan.

Lulzim Basha dhe Monika Kryemadhi kanë deklaruar se pa opozitën nuk do të ketë zgjedhje lokale në 30 qershor, ndërsa kërkojnë më parë një qeveri kalimtare për të shkuar në zgjedhjet e përgjithshme pa Ramën kryeministër. Por nëse opozita do të bojkotojë zgjedhjet lokale, cfarë do të bëjnë shqiptarët? 61.3% kanë deklaruar se pavarësisht nëse shkon apo jo opozita në zgjedhje do të shkojnë të votojnë, ndërsa 38.7% janë shprehur se nuk do të shkojnë në votime.

45.3% e shqiptarëve nuk e mbështesin absolutisht aksionin e opozitës me protesta në shesh. 17.2% mendojnë se opozita po humbet efikasitetin me këtë strategji. Vetëm 29.6% e mbështesin opozitën dhe 5.6% kërkojnë që protestat të jenë më të dhunshme për të qenë më efikase.

Një numër i konsiderueshëm kandidatësh nga listat e PD-së dhe LSI-së kanë pranuar që të futen në Kuvend, pasi deputetët e opozitës së vjetër dogjën mandatet. Por a janë këta deputetë të rinj legjitim për të përfaqësuar opozitën? Nga sondazhi ka rezultuar se 38% kanë votuar 'PO', 36.2% 'JO'. Për 21.7% deputetët e rinj ligjërisht janë legjitim, por politikisht gabojnë, ndërsa 4.1% nuk janë përgjigjur.

Kryeministri Edi Rama i ka propozuar opozitës të realizojnë së bashku reformën elektorale për të dhënë kështu të gjitha garancitë legjislative, sipas teje opozita duhet të pranojë këtë propozim? Kësaj pyetje shqiptarët i janë përgjigjur 44% absolutisht PO. 34.1% janë shprehur kundër, 8.1% thonë 'Po' por kërkojë që opozita të kërkojë garanci të forta, ndërsa 13.8% nuk janë përgjigjur.  

Pyetja e parë për shqiptarët në sondazh ka qenë si e gjykojnë gjendjen përgjithshme aktuale të Shqipërisë? 21.2% e vlerësojnë si pozitive, 51.1% negative, 26.4% normale dhe 1.3% janë përgjigjur nuk e di. Krahasuar me një muaj më parë ka një ulje të atyre që gjendjen e shikojnë si negative, pasi në sondazhin e parë ishin 55.3% që e shikonin si negative, ndërsa sot 51.1% negative.