Protestat për Klodjan Rashën, Topalli për Report Tv: Kjo klasë politike duhet të mbyllë ciklin e vetë! Basha tradhtoi të rinjtë dhe u fsheh

Në një intervistë për Report Tv, kryetarja e partisë "Lëvizja për Ndryshim" Jozefina Topalli komentoi protestat që përfshinë Tiranën ditën e djeshme për vrasjen e Klodjan Rashës. Ajo shprehet se këto aktet e dhunës vijnë për shkak të varfërisë. Ajo ka hedhur akuza mbi klasën politike aktuale për të cilën u shpreh se ata duhet të japin dorëheqjen dhe të mbyllin ciklin e tyre.

"Po jetojmë kohë sfiduese të një krize shumë planëshe. Për t'i shtuar kësaj krize një ngjarje të precedent, vrasjen e një 25-vjeçarit në ditën e rinisë. Unë do isha e shqetësuar se pas kësaj ngjarje nuk do kishte reagim. Do isha frikësuar nëse nuk do kishte protesta të mëdha. Unë në këto protesta shoh përtej vrasjes së një djali që është tragjike. Unë mbështes çdo reagim për jetën e njeriut. Unë uroj që protestat të shtohen në numër por di të lexoj përtej kësaj. Përtej vrasjes së këtij djali, ka arsye të tjera më shumë komplekse se sa thjesht ky akt. Çfarë ndodh me të rinjtë në vend? Në vendin tonë, 32% e papunësisë janë të rinj. Është një shifër e certifikuar por besoj se është më e lartë. Vetëm për shkak të pandemisë kanë humbur punën dhe shumë të tjerë. Nuk është rastësi që nga vendi jonë shumica që largohen janë nën 34-vjeç. Nuk i kemi dhënë mundësi dhe nuk ka pasur pasur asnjë projekt nga qeveria për këtë.

Nëse këto të rinj ndihen të pasigurt dhe shohin një pabarazi të tmerrshme. Reagimet e tyre nuk mund të gjykohen kurrë. Nuk ka dhunë më të madhe se sa varfëria.Ne ndjekim protesta në të gjitha vendet. Kemi parë dhunë në gjithë protestat në Francë, Gjermani e Amerikë. Nuk e pranoj dhunën por unë e kuptoj atë. Ftesa ime është për klasën politike. Ka arsye për të cilët të rinjtë ngrihen në protesta. Çështja nuk është tek dorëheqja e një ministri. Do vijë një moment që ne të themi prit se jemi të gjithë bashkëfajtor. Kjo klasë politike duhet të mbyllë ciklin e vetë për t'i dhënë shans një lëvizje të fuqishme të të rinjve" - tha Topalli.

LEXO EDHE:
Edison Ypi: Ja si mposhtet Edi Rama

Topalli ka hedhur dhe akuza ndaj kryedemokratit Lulzim Basha për të cili shprehet se është fshehur gjatë protestave. Ajo thotë se edhe ai duhet të japë dorëheqjen nga PD pasi e ka çuar drejt shkatërrimit.

""I uroj për datëlindjen e themelimit të PD-së të gjithë demokratëve. Kjo forcë politike ishte një ëndërr dhe na solli lirinë, lirinë për të votuar. Ka gjithë arsyet për të qenë krenare për të gjithë. Unë nuk doja të mendoja që ajo forcë politike që kam punuar 20 vite rresht të përfundonte aq e tkurrur. Ne folëm për protestën e të rinjve, nuk e kam parë kryetarin e opoizitës të japë mesazhe qëndrueshmërie, shprese. Ai fshihet sa herë që ka diçka të tillë. Përpjekja për të gjetur alibi është sjellja e frikacakëve. Të mos protestosh kur je i ri, do të thotë që nuk je për politikë, por të fshihet lideri gjatë kësaj kohe është e paprecedent. Mua më duket sikur është tradhëtia e radhës. Duhet menduar seriozisht kundër kësaj klase politike. Duhet të japin dorëheqjen Edi Rama e Ilir Meta. Kryetari i opozitës është duke shkatërruar PD-në ka shkatërruar Shqipërinë. Situata është shumë komplekse. I pari duhet të japë dorëheqje kryetari i qeverisë dhe më pas kryedemokrati Basha" - tha Topalli.

VIDEO/ Intervista e plote

E.M.//Shqiptarja.com

TAG:
• edi rama
• lulzim basha
• jozefina topalli
• vrasja e klodjan rashes