Kryeministri Edi Rama ka zgjedhur ta nisë ditën këtë të premte me një video ku pasqyrohet shembja e banesave të paligjshme të njërit banor të "Unazës së Re", në kuadër të projektit të zgjerimit të saj. Përmes rrjetit social “Facebook”, Rama ka zgjedhur ta cilësojë vazhdën e protestave të banorëve të zonës si një ngërç të sajuar artificialisht. Duke e lidhur me deklaratat e bëra së fundmi të Ukë Çelkolaj, i cili pranoi pa kundërshtuar prishjen e dy objekteve të tij, kreu i ekzekutivit shkruan më tej se ky i fundit është një shembull kuptimplotë për bashkëqytetarët e komunitetit në fjalë.
MIRËMËNGJES! Dhe me këtë reflektim qytetar të Ukë Çelkolajt, i cili zgjodhi të kontribuojë për zgjidhjen e ngërçit të sajuar artificialisht tek Unaza e Re, duke dhënë një shembull kuptimplotë për të gjithë bashkëqytetarët e atij komuniteti, ju uroj një ditë të qetë!
Edi Rama, Kryeministër
Dy ditë më parë, Ukë Idriz Çelkolaj nga Tropoja i premtoi kreut të Bashkisë Tiranë, Erion Veliaj se nuk do të bëhej pengesë për zhvillimin e projektit të zgjerimit të "Unazës së Madhe" dhe se do t'i prishte vetë banesat e ndërtuara pa leje. Prishja e dy objekteve të tij nga Inspektorati i Mbrojtjes së Territorit ka filluar ditën e djeshme dhe siç shihet edhe nga pamjet, Uka ka qenë i pranishëm gjatë atij momenti. Paralelisht, ai bëri thirrje se tashmë ka ardhur koha që banorët e zonës të mos bëhen më pengesë e zhvillimit të këtij segmenti të Unazës.
Një pjesë e banorëve të "Unazës së Madhe" bllokuan të enjten rrugën e 'Unazës së Re', ndërkohë që policia e Shtetit arrestoi 2 protestues si edhe procedoi në gjendje të lirë 20 të tjerë për aktet e vandalizmit që kryen më 28 nëntor në protestë, ku protestuesit rrëzuan blloqet e betonit, rrethimin e kantierit, shkulën tabelat e sinjalistikës rrugore dhe dogjën koshat e plehrave. Protesta e tyre e 26 ka ardhur pas një sërë protestash të tjera të dhunshme. Konkretisht, protestat e zhvilluara përpara Bashkisë së Tiranës dhe Kuvendit cilësohen si më të agravuarat dhe të dhunshme, pasi në to u plagosën efektivë police si dhe qytetarë të thjeshtë.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19
