POP 5

Lajmet më të lexuara të 5 minutave të fundit

Sociale

Protestë për drutë! Banorët e Pustecit s’kanë ku t’i marrin, prerjen e pemëve e ndalon agjencia e zonave të mbrojtura

Mëngjesi i sotëm i ka gjetur në protestë banorët e bashkisë minoritare të Pustecit. Dimri është në prag dhe ata s’kanë ku të gjejnë drutë e zjarrit. Më parë i siguronte bashkia, por tashmë prerjen e druve nuk e lejon Agjencia Kombëtare e Zonave të Mbrojtura. Në mbështetje të banorëve doli dhe kryebashkiaku Pali Kolevski.

Mëngjesi i sotëm i ka gjetur në protestë banorët e bashkisë minoritare të Pustecit. Dimri është në prag dhe ata s’kanë ku të gjejnë drutë e zjarrit. Më parë i siguronte bashkia, por tashmë prerjen e druve nuk e lejon Agjencia Kombëtare e Zonave të Mbrojtura. Në mbështetje të banorëve doli dhe kryebashkiaku Pali Kolevski.

Dy javë para fillimit zyrtarisht të dimrit banorët e Pustecit kanë dalë në protestë për lëndën drusore. Këtë vit është i pamundur sigurimi i druve të zjarrit si pasojë e kufizimeve të vendosura nga Agjencia e Zonave të Mbrojtura.

 “Ka 10 vjet që ne i merrnim drutë, këtë vit asgjë. Periudha është kritike akoma nuk kemi marrë asnjë dru. Duam të shkojmë të marrim drutë me rregulla”.-tha kryeplaku i fshatit Lajthizë.

“Djali më vdiq, vajzat kanë ikur për kafshoren e bukës, jemi të sëmurë, që sot e tutje do fle në bashki”, tha një banor.

“Na i ka siguruar gjithmonë bashkia, tani na thonë që nuk do drejtoresha e zonave të mbrojtura. Nuk marr dot as një gomar dru, se të zë rojtari i pyllit. Pa dru nuk rrihet jemi vend malor”, tha një tjetër.

Protesta u mbajt përpara bashkisë minoritare, pikërisht sot kur pritej vizita e Daniel Pirushit, drejtoreshë e Agjencisë Kombëtare të Zonave të Mbrojtura. Pirushi e anuloi vizitën në Pustec, ndërsa banorët u pritën nga kryebashkiaku, Pali Kolevski i cili mbështeti protestën.

“Mbështes banorët në kërkesën e druve sepse është e drejtë elementare. Ne jemi zonë malore dhe drutë janë të domosdoshme. Që në maj bashkia ka bërë listën e banorëve për kërkesat e mundshme se sa dru zjarri mund të duhen për dimër. Kemi bërë kërkesën pranë Agjencisë së Zonave të Mbrojtura. Ne menduam se do zgjidhej si vitet e kaluara, nëpërmjet punimeve përmirësuese. Vitet e kaluara ne siguronim drutë nëpërmjet punimeve përmirësuese sepse në zonat e mbrojtura nuk lejohet prerja e druve. Ne kemi propozuar që lënda drusore të shpërndahet brenda ditës sidomos për familjet e varfëra”, tha kryebashkiaku Kolevski.

Për të furnizuar 800 familje duhen deri në 8 mijë m3 dru zjarri. Bashkia pret lejen nga Agjencia Kombëtare e Zonave të Mbrojtura, që  të zbatojë marrëveshjen, pasi gjithë territori është pellgun ujëmbledhës të liqenit të Prespës, i cili ka statusin ‘Parku Kombëtar i Prespës’, zonë e mbrojtur në nivel ndërkombëtar!

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02