POP 5

Lajmet më të lexuara të 5 minutave të fundit

Politikë

Provimet e Maturës, MASH: KQZ
të zhvendosë KZAZ-të

Fatmir Vejsiu, drejtor i Arsimit Parauniversitar në MASH në një prononcim për gazetën “Shqiptarja.com”, ka ngritur shqetësimin e realizimit të provimeve të maturës shtetërore në disa prej gjimnazeve në vend, kjo pasi data e zgjedhjeve, përkon me datën e provimeve të tyre.
TIRANE - Fatmir Vejsiu, drejtor i Arsimit Parauniversitar në MASH në një prononcim për gazetën “Shqiptarja.com”, ka ngritur shqetësimin e realizimit të provimeve të maturës shtetërore në disa prej gjimnazeve në vend, kjo pasi data e zgjedhjeve, përkon me datën e provimeve të tyre.

Vejsiu deklaron se lidhur me këtë shqetësim ata kanë depozituar pranë Komisionit Qendror të Zgjedhjeve një kërkesë për zhvendosjen e KZAZ që janë përcaktuar të ngrihen në këto ambiente publike.

“Ne kemi dërguar në KQZ një kërkesë, ku i kërkojmë këtij institucioni zhvendosjen e KZAZ në ambiente të tjera, pasi në datat që janë caktuar të mbahen zgjedhjet maturantët në disa prej shkollave parauniversitare në vend do të japin provimet e lirimit.

Ende nuk kemi marrë një përgjigje nga KQZ lidhur me këtë shqetësimi tonin”, shprehet Fatmir Vejsiu, drejtor i Arsimit Parauniversitar. Ndërkohë që nga KQZ lidhur me marrjen apo jo të kësaj kërkese nuk është dhënë asnjë përgjigje, ndonëse kryetarja Lefterie Lleshi është shprehur dy ditë më parë se do të konsultohet me përfaqësuesit e partive politike në KQZ.

Ndërkohë që sipas ngritjes së KZAZ, 11 gjimnaze në të gjithë vendin janë zgjedhur nga KQZ si ambiente të përshtatshme për vendosjen e zyrave të KZAZ-ve. Kjo do të thotë se rreth 4500 maturantë, do të zhvillojnë provimet në të njëjtin vend, ku do numërohen edhe votat.

Në ambiente publike përveçse instutucioneve të shkollave KZAZ janë ngritur edhe në godina të tjera, ku nuk mungojnë dhe ato të bashkive apo dhe komunave. Në të njëjtën kohë edhe qendrat ku do të kryhet procesi i votimit, do të ngrihen në ambiente private, përveçse atyre publike. Kjo ka patur mjaft kontestime nga ana e përfaqësusve politikë në KQZ.

Shkrimi u botua sot në gazetën Shqiptarja.com (print) 19.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03