POP 5

Lajmet më të lexuara të 5 minutave të fundit

Politikë

PS 14 mln lekë nga sponsorët
LSI publikon emrat e donatorëve

EKSKLUZIVE - Report TV siguron raportet financiare të dy prej partive kryesore, PS dhe LSI për financimin gjatë vitit 2017. PS ka deklaruar kontrata konsulence dhe sposorizime fushate, por jo emrat e atyre që i kanë dhuruar para. LSI ka deklaruar 57 sponsor por në raport nuk ka të dhëna të qarta për kontrata lobimi apo shërbime konsulence. Me interes pritet raporti i Partisë Demokratike i cili përfshin shpenzimet për lobim përmes kompanive ruse.  VIDEO
PS 14 mln lekë nga sponsorët<br />LSI publikon emrat e donatorëve<br /><br>
EKSKLUZIVE - Në kulmin e debateve për burimet financiare të partive, të nxitura ndaj akuzave për Partinë Demokratike se ka shpenzuar më shumë se gjysme milioni dollar për lobim në SHBA duke përfshirë dhe kompani ruse, Report TV ka siguruar raportet financiare për vitin 2017 të Partisë Socialiste dhe Lëvizjes Socialiste për Integrim. 

Është pikërisht ky raport vjetor ku PD pritet të deklarojë sa para ka paguar për lobim jashtë vendit, dhe do të saktësojë edhe kontratat e shumëdiskutuara për ndikime e influenca ruse, i cili pritet të hapë edhe hetimin e KQZ-së për këtë çështje. Burime të sigurta thonë për Report TV se raporti i PD-së është depozituar pranë Komisionit Qendror të Zgjedhjeve, dhe ky institucion është ende duke e verifikuar nëse përmbush apo jo standardet ligjore formale, ndaj për momentin nuk është e mundur të ndahet me publikun. 

Por çfarë kanë deklaruar dy partitë e majta, dikur aleate e sot në opozitë me njëra-tjetrën?

Partia Socialiste deklaron se ka 110.120 anëtarë, prej të cilëve ka përfituar të ardhura nga kuotat rreth 40 milionë lekë. Përveç të ardhurave nga buxheti i shtetit dhe ndonjë qera, PS ka deklaruar 14 milionë lekë të rinj donacione, por pa specifikuar se kush janë personat apo kompanitë që i kanë dhuruar para gjatë vitit 2017. Të ardhurat totale të partisë qeverisëse për vitin 2017 janë 200 milionë lekë. 

Në tabelën e shpenzimeve, vërehet shuma totale prej 203 milionë lekësh, ku fushata zë vendin kryesor me 89 milionë lekë, ndërsa për kontrata konsulence, ku mund të përfshihet dhe lobimi, deklarohen 6.8 milionë lekë të rinj. 

Ndryshe nga PS, Lëvizja Socialiste për Integrim ka deklaruar 7.8 milionë donacione dhe ka publikuar 57 emrat që kanë dhuruar për këtë parti më shumë se 1 milionë lekë. Një vlerë të tillë rezulton të ketë paguar edhe ish-kryetari Ilir Meta i cili gjatë gjysmës së parë të vitit 2017 ishte anëtar i kësaj partie. Shuma më e madhe e dhuruar për LSI-në u takon dy personave: deputetit Viktor Tushaj dhe një personi të quajtur Mustafa Hoxha.

Donacionet e tjera janë kryesisht nga deputetë të kësaj partie, apo drejtues të strukturave. Në këtë raport të siguruar nga Report TV nuk ka të dhëna mbi shpenzimet dhe të ardhurat totale, e as për kontrata lobimi. 

pasurite ps

pasurite ps

Redaksia Online
l.q/Shqiptarja.com

 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46