POP 5

Lajmet më të lexuara të 5 minutave të fundit

Politikë

PS: Berisha armik i investitorëve,
Argita:Sulme,shmang transparencën

Në një konferencë për shtyp deputeti i Partisë Socialiste, Taulant Balla e quajti Kryeministrin Berisha armik të investitorëve. Argita Berisha në një deklaratë për mediat e ka quajtur kreun e PS-së qesharak, por edhe të mjerë.
PS: Berisha armik i investitorëve, <br />Argita:Sulme,shmang transparencën
TIRANE - Partia Socialiste ka vazhduar edhe ditën e sotme akuzat dhe denoncimin në lidhje me pasurimin e familjes Berisha.  Në një konferencë për shtyp deputeti i Partisë Socialiste, Taulant Balla e quajti Kryeministrin Berisha armik të investitorëve, pasi sipas tij Argita Berisha u vë 3 milionë lekë gjobë biznesmenëve të tuaj, si rasti i Zavar Ansar dhe nëse nuk paguajnë nuk e marrin dot firmën për lejen e ndërtimit nga babai i saj.

Më tej Balla ka kërkuar nga Argita Berisha që t’i përgjigjet, qartë dhe një herë e mirë dy pyetjeve të vetme që ka ngritur opozita.

”E kujt ishte toka e cila iu propozua biznesmenit Ansar? Publiku shqiptar meriton një përgjigje dhe jo kundërakuzat e radhës, që kanë si qëllim të vetëm të hedhim baltë mbi opozitën, për të mos dhënë një përgjigje. E kujt ishte toka dhe a përbën i gjithë komunikimi me biznesmenin Ansar një konflikt interesi?”, u shpreh Balla.

Sipas deputetit socialist, “Argita nuk ka më asnjë argument për t’u justifikuar. Ajo kërkoi tre milionë euro në këmbim të firmës së babit Kryeministër dhe ky është një konflikt i qartë interesi”.

ARGITA, SULMET PER T'IU SHMANGUR TRANSPARENCES
I menjëhershëm ka qenë edhe reagimi i vajzës së Kryeministrit, Argita Berisha, e cila në një deklaratë për mediat e ka quajtur kreun e PS-së qesharak por edhe të mjerë pasi përpiqet të përdorë veprimet e saj për të justifikuar veprimet e paligjshme.

“Z. Rama bëhet çdo ditë më qesharak para shqiptarëve por dhe i mjerë, kur përpiqeni të përdorni veprimet e mia të bazuara në ligje për të justifikuar veprimet tuaja të paligjshme dhe akoma me keq, kur i përdorni këto sulme për t’ju shmangur si burracak transparencës që të detyron ligji i vendit”, thuhet në reagimin e Argita Berishës.

Sipas vajzës së Kryeministrit Berisha standardet e saj të transparencës dhe respektimit të ligjit dallojnë si dita me natën me ato të Ramës.

Duke u ndalur në akuzat që kanë të bëjnë me shitjen e një toke private një biznesmeni pakistanez Argita Berisha shprehet: “Për kohën që kam ushtruar avokatinë, çmimin e shitjes së tokës private tek te interesuarit ua kam njoftuar haptas sipas kërkesave të pronarit privat, pa detyruar asnjëri të blejë apo të mos blejë, siç demonstron dhe korrespondenca të cilën ti keqlexon dhe pa cenuar asnjë interes privat të ndokujt”.

Argita Berisha e akuzon Ramën se i anuloi lejen e ndërtimit familjes Frashëri dhe i dha në po të njëjtin vend leje ndërtimi në sheshin e pallateve bashkëshortes së tij. Sipas Argita Berishës tarifat e punës si avokate janë në përputhje të plotë me ligjin e avokatisë. Ajo ka ftuar Ramën të bëjë publike burimin e 100 milionëshit të huasë pa interes të bashkëshortes së tij, si dhe të gjitha faturat e investimit prej 1 milionë euro në pallatin pesë katësh të familjes së saj, tatimet e paguara për to dhe transaksionet bankare për financimin e tij.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20